E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ekskluzive-Mblidhet grupi anti-Spak në vilën 30

5 Shkurt 2024, 18:14, Aktualitet CNA

Grupi anti-Spak është mbledhur në vilën 30 në këto momente që lajmi raportohet.

Takimi ishte parashikuar në orën 18:00 dhe CNA ka mundur të sigurojë pamje ekskluzive se si në errësirë juristët e PS-së deputetët dhe vetë kryeminsitri hyjnë në vilën 30 për të diskutuar draftin anti-SPAK të përgatitur nga Klotilda Bushka.

CNA ka mundur të sigurojë pamje të Ermonela Felajt, kryeministrit Rama, Bledi Çuçit, Klotilda Bushkës, ministrit Manja ndërsa mësohet se pjesë e mbledhjes ka qenë dhe ministrja e Antikorrupsionit Adea Pirdeni dhe ish ministri Damian Gjiknuri.

CNA ka raportuar para disa ditësh se mazhoranca po përgatiti një komsion “Ad Hoc” antispak të cilin ka marrë përsipër ta drjetojë Fatmir Xhafaj.

CNA ditë pas dite po zbardh detaje të reja nga skema e mazhorancës për të goditur SPAK .

Pak ditë më parë informuam për një tjetër mbledhje që kryeministri Rama ku së bashku me grupin e punës po kryheshin përgatitije për draftin për komisionin "Ad-Hoc" që pritet të drejtohet nga Fatmir Xhafaj.

Të pranishëm në atë mbledhje ka qenë dhe grupi i juristëve të Rilindjes, ndër ta dhe Engjëll Agaçi, ministri i Drejtësisë Ulsi Manja, Klotilda Bushka, Ermonela Felaj, ish-ministrja e Drejtësisë, Etilda Gjonaj, ish-ministri i Brendshëm, Fatmir Xhafaj, ish-zv.ministri i Drejtësisë Toni Gogu, ministrja e Anti-Korrupsionit, Adea Pirdeni, individë të cilët kanë diskutuar gjërë e gjatë, skemën e hedhur në tryezë disa javë më parë në takimin e Shëngjinit, zhvilluar nga Blendi Çuçi në Grupin Parlamentar dhe thënë publikisht nga Eduard Shalsi.

Më herët CNA bëri me dije dhe qëndrimin e zv.ndihmëssekretarit amerikan të shtetit, Gabriel Escobar.

Zoti Escobar ka qenë i ashpër në qëndrimin e tij me deputetët shqiptarë në lidhje me hapat e ndërmarrë nga mazhoranca për ngritjen e një komisioni “Ad-Hoc” që do të çonte në kontrollin e SPAK-ut.

Escobar i ka quajtur të rrezikshme për demokracinë dhe të gabuara veprime të tilla që minojnë besimin dhe ecjen përpara të drejtësisë së re, aq shumë e mbështetur dhe e financuar nga SHBA dhe partnerët evropianë.

Per me shume pamje ndiqni CNA TV.