web counter
LEXO PA REKLAMA!

SHKARKO APP

App Store
Google Play

Mbledhja e grupit anti-SPAK/ Bushka dhe ministrja Pirdeni dalin nga “Vila 30”

5 Shkurt 2024, 19:55, Aktualitet CNA

Mbledhja e grupit anti-SPAK/ Bushka dhe ministrja Pirdeni dalin nga “Vila

CNA ka mësuar se aktualisht Klotilda Bushka dhe ministrja e Antikorrupsionit Adea Pirdeni kanë dalë nga Vila 30 ku është zhvilluar mbledhja e grupit anti-SPAK.

Të pranishëm në mbledhje kanë qenë grupi i juristëve i përbërë nga ministri i Drejtësisë Ulsi Manja, Klotilda Bushka, Ermonela Felaj, ish-ministrja e Drejtësisë, Etilda Gjonaj, ish-ministri i Brendshëm, Fatmir Xhafaj, Engjëll Agaçi, por edhe persona të tjerë si ministrja e Antikorrupsionit Adea Pirdeni, Bledi Çuçi dhe ish ministri Damian Gjiknuri, individë të cilët kanë diskutuar gjërë e gjatë, skemën e hedhur në tryezë disa javë më parë në takimin e Shëngjinit, zhvilluar nga Blendi Çuçi në Grupin Parlamentar dhe thënë publikisht nga Eduard Shalsi.

Sot për herë të parë konfirmohet mbledhja zyrtare e PS-së tek vila 30 në krah të Kryesisë së Kuvendit.

Kjo është një skemë të cilën CNA e ka zbuluar prej disa ditësh, që me faktet që mazhoranca po përgatit ngritjen e një komisionin Ad Hoc për të kontrolluar dhe goditur SPAK. Ky komision do të drejtohej nga Fatmir Xhafaj. Po ashtu për këtë skemë ka patur dhe reagim nga diplomatët dhe ndërkombëtarët.

Më herët CNA bëri me dije dhe qëndrimin e zv.ndihmëssekretarit  amerikan të shtetit, Gabriel Escobar.

Zoti Escobar ka qenë i ashpër në qëndrimin e tij me deputetët shqiptarë në lidhje me hapat e ndërmarrë nga mazhoranca për ngritjen e një komisioni “Ad-Hoc” që do të çonte në kontrollin e SPAK-ut.

Escobar i ka quajtur të rrezikshme për demokracinë dhe të gabuara veprime të tilla që minojnë besimin dhe ecjen përpara të drejtësisë së re, aq shumë e mbështetur dhe e financuar nga SHBA dhe partnerët evropianë./ CNA





Lajmet e fundit nga