web counter
LEXO PA REKLAMA!

SHKARKO APP

App Store
Google Play

E fundit!

x

Mbi 32 milionë euro investim/ Tenderi për zgjerimin e rrugës Tiranë-Durrës brenda vitit

22 Mars 2024, 21:16, Aktualitet CNA
Mbi 32 milionë euro investim/ Tenderi për zgjerimin e rrugës
Foto ilustruese

Brenda këtij viti planifikohet për të nisur zgjerimi i autostradës Tiranë-Durrës.

Ky zgjerim do të kushtojë mbi 32 milionë euro. Punimet sipas procedurës tenderuese të planifikuar për t’u shpallur brenda këtij viti nga Autoriteti Rrugor Shqiptar do të kryhen në dy faza.

Faza e parë e cila parashikon zgjerimin në 35.1 metër nga 18.6 metër që aktualisht autostrada është do të kushtojë mbi 1.6 miliardë lekë.

Po aq para planifikohen të dalin nga buxheti i shtetit edhe për punimet në fazën e dytë që përfshin segmentin Kthesa e Rinasit-Durrës.

Krahas këtij projekti, Autoriteti Rrugor Shqiptar parashikon të hapë edhe një tjetër tender për rikonstruksionin e rrugës së vjetër Kombinat-Ndroq-Plepa. Fondi në dispozicion për ndërtimin e lotit të parë të kësaj rruge është pak më shumë se 1 miliardë lekë.

Brenda këtij viti pritet të nisë puna edhe për ndërtimin e rrugës Berat–Ballaban. Aksi rrugor me gjatësi prej 58 kilometrash që lidh qarkun e Beratit me atë të Gjirokastrës pritet të kushtojë mbi 4.1 miliardë lekë. Për lotin e parë të punimeve janë venë në dispozicion pak më shumë se 1.9 miliardë lekë, ndërsa për atë të dytë gati 2.3 miliardë lekë.

Punimet pritet të zgjasin mbi dy vite./ CNA





Lajmet e fundit nga