web counter
LEXO PA REKLAMA!

SHKARKO APP

App Store
Google Play

Nikolin Jaka flet hapur: Sazani të bëhet si Singapori, të ketë qiellgërvishtëse dhe kompani globale

22 Mars 2024, 12:33, Aktualitet CNA

 

 Nikolin Jaka flet hapur: Sazani të bëhet si Singapori, të
Nikolin Jaka

 

Kreu i Dhomës së Tregtisë, Nikolin Jaka, ka deklaruar se investimi në ishullin e Sazanit është një mundësi e jashtëzakonshme për të kthyer atë në një zonë të lirë ekonomike. 

Në një intervistë televizive, Jaka nënvizoi se Sazani do të kthehet në një zonë të lirë ekonomike dhe propozoi që ishulli të dalë në tender ndërkombëtar. 

"Ishulli i Sazanit duhet të jetë një model i ngjashëm me Hong-Kongun apo Singaporin. Duhej të ishte zonë e lirë ekonomike që të kishte llojet e mundësive të zhvillimit ekonomik. I shërben Shqipërisë për të qenë edhe ajo ‘qershia mbi tortë’ e ekonomisë shqiptare. Se sa e mundur është, unë mendoj se ka gjithmonë mundësi reale. Ishulli i Sazanit mund të kishte dalë në ankand ndërkombëtar dhe mund të kishte pranuar ofertat", u shpreh ai. 

Ndërsa komentoi propozimin e bërë nga Jared Kushner për ndërtimin e një resorti luksoz në Sazan, ai shprehu mbështetjen e tij të plotë për këtë projekt.

‘Unë jam jo vetëm pro, por jam suport edhe si individ dhe si Dhomë Tregtie për çdo lloj investimi që sjell të ardhura për vendin tonë. Nga ana tjetër, jam i bindur se ky model investimi i prezantuar në Sazan nuk e prek fantazinë që kam se si mund të zhvillohet Sazani", tha ai. 

Ai shtoi se në këtë ishull mund të ndërtohen kulla qiellgërvishtëse, që do të shërbejnë si seli të kompanive globale. 

‘Sazani është një mundësi reale për të pasur kulla qiellgërvishtëse që të jenë selitë e kompanive globale në një zonë free ku të gëlojë ekonomia, financa, të gëlojë një mënyrë tjetër të të bërit biznes dhe duke qenë ishull shumë pranë Vlorës, u jep aq mundësi shqiptarëve dhe ekonomisë shqiptare sa nuk e keni idenë", tha ai./CNA 





Lajmet e fundit nga