E fundit!

17:26 Politikë

Gara për Sekretarin e Përgjithshëm të PD-së/ Zbulohet emri që kandidon përballë Nokës

Partia Demokratike do të zhvillojë sot në orën 18:00 mbled...

Marsi i grave/ Propozimi i Majlinda Bregut: Të vendosen figura historike në kartmonedha

4 Mars 2025, 17:44, Aktualitet CNA

Nga Majlinda Bregu

Se Sojnike, se Fisnike, deri më sot, asnjë grua nuk bart vlerë në një kartmonedhë shqiptare.

Seria aktuale e kartëmonedhave përmban portretet e figurave të njohura historike, të gjitha burra, si Naim Frashëri (200 lekë), Ismail Qemali (500 lekë), Pjetër Bogdani (1000 lekë), Mbreti ilir Gent (2000 lekë), Gjergj Kastrioti Skënderbeu (5000 lekë), Asdreni (10000 lekë).

Po të mos ishte për një botim me vlerë të Elsa Zhulalit, “Gruaja në monedhën kombëtare”, nuk do ta dija se vetëm një vit më pas emetimit të parë të ‘Bankës kombëtare të Shqipnis’ në 1927 është emetuar një figurë femërore Dea, në monedhë argjendi me vlerë 1 frang.

Më pas 100 franga në kartmonedhë, deri në 1940, 500 franga në 1945, dhe vijojmë me gra ndër grurë e hidrocentrale në kartmonedhat 3 lekëshe, 25 lekëshe të viteve të barazisë komuniste.

Sot, në 2025 vlera e Vetme monetare me një figurë gruaje në të, është monedha 100 lekëshe, e cila portretizon Mbretëreshën Teuta që e bëri Ilirinë një ndër shtetet më të rëndësishme të Mesdheut!

Marsi i grave/ Propozimi i Majlinda Bregut: Të vendosen figura historike

“Rëndësi ka që një grua të ketë para, pak rëndësi ka se kush është stampuar në to, -me të drejtë mund të thotë dikush.

Por meqë jemi në Marsin e grave, po e hedh edhe këtë ide.

Kartmonedha, monedha nuk është thjesht një mjet shkëmbimi, ajo është një simbol i identitetit kombëtar, historisë dhe vlerave tona. Kur zgjedhim se kush do të shfaqet në kartëmonedha, zgjedhim se kujt ia njohim kontributet, cilët histori duam të tregojmë dhe cilat arritje vlerësojmë dhe nuk besoj se ka pak gra të cilat kanë luajtur role vendimtare në formësimin e ekonomisë, shoqërisë dhe historisë sonë, kontributet e të cilave meritojnë të emetohen.

Paratë???? janë fuqi, dhe vajzat e gratë kanë nevojë të flasin e kuvendojnë jo vetëm si fitohet lehtë dhe shpenzohet po aq me mendje të lehtë, por edhe si fitohet, kursehet, investohet dhe drejtohen tregjet financiare.

Marsi i grave/ Propozimi i Majlinda Bregut: Të vendosen figura historike

Në kohën e vlerave çalamane, unë jam për një Musine Kokalari shkrimtaren e parë grua në letërsinë moderne shqiptare, disidenten e parë grua në të gjithë perandorinë tonë famekeqe komuniste, sa Sojnike aq dhe Fisnike, që sfidoi të pamundurën me kokëfortësinë për të qenë e lirë! /CNA