web counter
LEXO PA REKLAMA!

SHKARKO APP

App Store
Google Play

E fundit!

x

La qelinë/ Flet Dritan Goxhaj: Ishte tentativë për të na trembur

10 Tetor 2023, 18:13, Aktualitet CNA
La qelinë/ Flet Dritan Goxhaj: Ishte tentativë për të na
Dritan Goxhaj

Ish-anëtari i UÇK-së, Dritan Goxhaj ka folur pas lirimit nga qelia me vendim të Gjykatës së Apelit.

Ai tha se burgosja e tij ishte një tentativë për ta trembur. Me vendimin e dhënë sot Goxhaj thotë se tregohe se është në rrugën e drejtë.

“Dua t’ju them që  lirinë nuk e kishim humbur asnjëherë, as unë as UÇK dhe as ata të tjerët që janë në Hagë, ishte tentativë për të na trembur e për të na thënë e mbushur mendjen se nuk ishim në rrugë të drejtë.  Sot arritëm t’ju tregojmë sërish se jemi në rrugën e drejtë dhe kemi luftuar drejtë”, u shpreh Goxhaj.

Gjykata e Apelit refuzoi ekstradimin në Hagë të ish-luftëtarit të UÇK-së, Dritan Goxhaj, në seancën e mbajtur mëngjesin e kësaj të marte.

Apeli vendosi të lirojë nga burgu Goxhajn, duke rrëzuar kështu vendimin e Shkallës së Parë.

Kujtojmë se ish-ushtari i UÇK-së, Dritan Goxhaj, u arrestua më 31 korrik nga autoritetet shqiptare në Tiranë, për llogari të Gjykatës Speciale të Kosovës, e cila e kishte shpallur në kërkim. 

Gjykata Speciale e Kosovës e akuzon Goxhajn se ka bërë publik emrat e dëshmitarëve në disa raste të hapura më herët nga Prokuroria Speciale e Kosovës./ CNA





Lajmet e fundit nga