web counter
LEXO PA REKLAMA!

SHKARKO APP

App Store
Google Play

"Na qan zemra, dhimbje shumë e madhe", rrëfimet e shqiptarëve që largohen nga Izraeli

10 Tetor 2023, 12:15, Aktualitet CNA

"Na qan zemra, dhimbje shumë e madhe", rrëfimet e

11 shtetas shqiptarë kanë udhëtuar mëngjesin e së martës nga Izraeli për në Shqipëri përmes një fluturimi të organizuar nga Mali i Zi. Ministria e Jashtme shqiptare bën me dije se po përpiqet për t'u ardhur në ndihmë të gjithë shqiptarëve që ndodhen në Izrael. 

Një prej qytetareve që ka mbërritur në Shqipëri, tregon se situata ishte shumë e vështirë në Izrael dhe nuk mund të qëndronte më atje. 

"Unë jetoj në Izrael prej 29 vitesh. Jetoj në Kadmir. Ishte shumë e vështirë për mua që të qëndroja këtu, me ndihmën e Ministrisë së Jashtme të Shqipërisë, ne na bënë të mundur të udhëtojmë drejt Shqipërisë", u shpreh ajo. 

Ndërsa një shqiptare tjetër tha se janë shumë të stresuar për shkak të luftës atje dhe po largohen me një dhimbje shumë të madhe. 

"Kemi kaluar një periudhë shumë të vështirë, jemi të gjithë shumë të mërzitur, të stresuar, na qan zemra për ato që kanë ndodhur ditët e fundit, por e lëmë Izraelin me një dhimbje shumë të madhe në zemër", u shpreh ajo./CNA

 





Lajmet e fundit nga