web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja shqiptare flet me shifra/ Sa persona do kthehen nga Izraeli në atdhe

10 Tetor 2023, 14:25, Aktualitet CNA

Ambasadorja shqiptare flet me shifra/ Sa persona do kthehen nga Izraeli në

Ambasadorja shqiptare në Izrael, Meri Kumbe, foli për situatën e shqiptarëve që jetojnë, studiojnë apo punojnë në Izrael, ku ka plasur lufta me Palestinën.

Kumbe tha se 34 shtetas shqiptarë kanë kërkuar ndihmë për t'u kthyer në vendlindje.

“Janë rreth 34 shtetas akoma. Jemi në kontakt të vazhdueshëm me ta. Po përdoret shumë edhe aeroporti civil, të gjitha fluturimet që janë të lira. Po monitorojmë nga afër gjendjen e tyre”, u shpreh ajo.

Diplomatja deklaroi se ambasada shqiptare është në kontakt të vazhdueshëm me të gjithë shtetasit tanë në Izrael.

“Këta janë shtetas që kanë kontakt me ambasadën dhe që kanë kërkuar të vijnë në Shqipëri. Ka dhe të tjerë që ndodhen në shtëpitë e tyre, janë okej, situata në zonat ku banojnë është e qetë, por pa rrisqe imediate për shëndetin dhe jetën e tyre”, vijoi ambasadorja në një intervistë televizive.

Më tej, Kumbe theksoi se Shqipëria po bashkëpunon me shtetet fqinje për t’i ardhur në ndihmë njëri-tjetrit në këtë situatë lufte në Izrael.

“Ne jemi duke bashkëpunuar të gjitha shtetet e rajonit. Janë momente ku prevalon humanizmi dhe janë momente delikate. Kemi qenë shumë afër njëri- tjetrit. Kemi ndihmuar njëri-tjetrin. Jemi duke parë të gjitha opsionet. Kemi orientuar qytetarët edhe drejt avionëve që fluturojnë normalisht. Kërkojnë të ikin një orë e më parë. Dikush zgjedh të ikë me bileta se niset në orën më të afërt, dikush tjetër nëse ne na krijohet mundësia me shtete fqinje i mbajmë në dijeni. Është proces hap pas hapi”, nënvizoi ajo./ CNA





Lajmet e fundit nga