web counter
LEXO PA REKLAMA!

SHKARKO APP

App Store
Google Play

E fundit!

x

Kush ia hoqi zemrën nga trupi Saimir Sulës?/ Mediat spanjolle, dyshime për trafik organesh

24 Dhjetor 2022, 12:44, Aktualitet CNA

Kush ia hoqi zemrën nga trupi Saimir Sulës?/ Mediat spanjolle, dyshime

31-vjeçari Saimir Sula që ka ndërruar jetë në Spanjë ka mbërritur në Tiranë pa organin e  zemrës.

Kjo ngjarje ka shokuar familjen e tij e cila që nga 2020, kur ka ndodhur endet në dyert e drejtësisë, si në Shqipëri ashtu edhe në Spanjë.

Në prokurorinë e Tiranës, më herët është hapur një procedim penal në lidhje me këtë çështje nga prokurorja Suela Salavaçi.

Mediat spanjolle kanë risjellë në vëmendje faktin se Prokuroria e Tiranës i ka dërguar një letër porosi autoritetrve të drejtësisë spanjolle, me të cilën kërkojnë zemrën e Saimir Sulës.

31-vjeçari Saimir Sula jetonte në Spanjë me motrën e tij. Në maj 2020 Sula shkoi për test COVID-i dhe rezultoi negativ, i bënë ekzaminime të tjera.

Pasditen e 8 majit 2020 Saimiri kishte temperaturë dhe shkoi në spital.

Të nesërmen kur motra shkoi për ta marrë nga spitali, i komunikuan se zemra e tij kishte ndaluar. 

Kjo ka bërë që Majlinda Sula të dyshonte, dhe urgjentisht ka kërkuar kartelën mjekësore.

Spitali i Barcelonës  e ka regjistruar vdekjen e shqiptarit, Saimir Sula, si natyrale dhe mjekët shqiptarë e kanë konstatuar mungesën e zemrës këtu.

 Kush ia hoqi zemrën nga trupi Saimir Sulës?/ Mediat spanjolle, dyshime

10 kërkesat në letër porosinë e dërguar nga Prokuroria e Tiranës

1.Te administrohet akti i eskpertimit definitiv/perfundimtar i bere nga Autoritetet Spanjolle, per te ndjerin Saimir Sula, ne te cilin eshte pasqyruar shkaku i vdekjes se te ndjerit ne Spitalin Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje.

2.Te verifikohet dhe te administrohen dokumente spitalore, duke filluar nga data 08.05.2020 dhe ne vazhdim per te ndjerin Saimir Sula, ne lidhje me arsyet e shtrimit/ hospitalizimit te ketij pacineti?

3.Te informohemi ne lidhje me arsyet e mungeses se zemres se te ndjerit Saimir Sula, referuar aktit te ekspertimit mjeko- ligjor Nr 540, dt 07.10.2020 te kryer nga I.M.L.Tirane, mbi ekzaminimin e kufomes se shtetases Saimir Sula.

4.Te komunikohet dhe te merret deklarim stafit/ personelit mjekesor te spitalit Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje, (apo dhe spitaleve te tjera ), ne lidhje me arsyet e parqitjes ne urgjencen e spitalit me date 08.05.2020 te te ndjerit Saimir Sula, diagnozen e shtrimit dhe mjekimin e marre etj, si dhe cdo te dhene tjeter ne lidhje me pacientin Saimir Sula.

5. Te komunikohet dhe te merret deklarim mjekja Irene Petit, qe ka komunikuar me shtetasen Majlinda Sula (motra e te ndjerit).

6. Te merren shpjegime Mjekes Psikiatre Ana Martin, qe ka ndjekur pacientin ndermjet Muajit Prill dhe Maj 2020, mjeke psikiatre prane Spitalit Sant Pau, ne Barcelone, Spanje, ne lidhje me diagnozen e pacientit si dhe çdo te dhene tjeter per kete pacient.

7. Te verifikohet se kush ka qene mjeku qe ka komunikuar ne telefon me motren e te ndjerit nga numri i spitalit 0034-649288801, rreth ores 12.08 min AM.

8. Te verifikohet se kush ka qene mjeku qe ka kontaktuar ne telefon motren e te ndjerit Saimir Sula nga numri 0034-932209586,rreth ores 15.00?

9. Kerkojme nga ana juaj, te informohemi nese nga Autoritetet e Drejtesisë Spanjolle, kane filluar hetime ne lidhje me rastin objekt hetimi nga ana jone? Nese po jeni te lutur te na vini ne dispocion kopje te ketyre akteve?

10. Te kryhen hetime dhe verifikime ne lidhje me cdo dokumentacion tjeter qe cmohet i nevojshem ne lidhje me rastin objekt hetimi./CNA.al





Lajmet e fundit nga