web counter
LEXO PA REKLAMA!

SHKARKO APP

App Store
Google Play

Banka Credins qetëson klientët/ "Llogaritë dhe asetet tuaja janë të sigurta"

23 Dhjetor 2022, 17:27, Aktualitet CNA

Banka Credins qetëson klientët/ "Llogaritë dhe asetet tuaja

Banka Credins ka njoftuar klientët e saj se ka rënë pre e një sulmi kibernetik.

Nëpërmjet një njoftimi zyrtar, Credins ka bërë të ditur që të gjitha llogaritë dhe asetet e klientëve të saj janë të sigurta dhe të paprekura nga ky sulm.

Banka Credins garanton kilentët se llogaritë e tyre nuk do të rrezikohen.

“Të nderuar klientë dhe qytetarë, Me qëllim të informimit të drejtë dhe evitimit të shqetësimeve të klientëve tanë, njoftojmë të gjithë klientët e Bankës Credins që kemi qenë pre e një sulmi kibernetik, ku për pasojë një sistem periferik është prekur e më tej është izoluar duke siguruar që janë zbatuar masat më të larta të sigurisë informatike. Stafet tona të teknologjisë së Informacionit dhe sigurisë, në bashkëpunim me partnerët tanë ndërkombëtarë, kanë ndërmarrë të gjitha hapat e nevojshëm ligjorë, duke njoftuar të gjitha organet rregullatore e mbikqyrëse të cilat janë duke ofruar mbështetjen maksimale. Banka Credins i siguron të gjithë klientët, se të gjitha llogaritë dhe asetet e klientëve te saj, janë të sigurta dhe të paprekura nga ky sulm. Banka Credins ju kërkon ndjesë të gjithë klientëve për shqetësimet e krijuara duke theksuar se siguria e tyre është e garantuar. Gjithashtu, njoftojmë të gjithë personat që publikimi i informatave personale në mënyrë të pa autorizuar përbën shkelje ligjore, prandaj edhe kërkojmë që menjëherë të ndalet shpërndarja e këtyre informatave. Ju falenderojmë për mirëkuptimin. Të gatshëm për t’ju për t’ju shërbyer gjithmonë”, shkruhet në njoftim./ CNA.al

 

 





Lajmet e fundit nga