web counter
LEXO PA REKLAMA!

SHKARKO APP

App Store
Google Play

"Kryeministri nuk do presë gjyqet e Veliajt"/ Gazetari Fundo zbulon emrat e kandidatëve të mundshëm për Tiranën

9 Shtator 2025, 21:29, Aktualitet CNA

"Kryeministri nuk do presë gjyqet e Veliajt"/ Gazetari Fundo

Gazetari Elvi Fundo i ftuar në emisionin “A Krasta Show” analizoi zërat për emrat e mundshëm që mund të kandidohen për drejtimin e Bashkisë së Tiranës nëse do të ketë zgjedhje.

I pyetur nga gazetari Adi Krasta Fundo tha se një nga emrat mund të jetë Ogerta Manastirliu aktualisht ministre e Arsimit. Një tjetër emër është edhe ministri i Ekonomisë Kulturës dhe Inovacionit, Blendi Gonxhe.

Gazetari tha se do të ketë zgjedhje pasi Bashkia e Tiranës është shkartisur dhe se Rama nuk mund të presë edhe 2 vite gjyqet e Veliajt në shkallët e gjyqësorit pasi ka dhe gjykimin në Gjykatën e Lartë.

"Tirana është më e pistë, më e rrëmujshme, jofunksionale, është shkartisur komplet, pa folur pastaj kush e menaxhon dhe si e menaxhon pa asnjë lloj përgjegjshmërie.

Nuk besoj që kryeministri është kaq i çmendur ta lërë Tiranën dhe 2 vite të tjera sa të mbarojë gjyqi i Eripn Veliajt për ta shkarkuar ndërkohë që e ka vendimin e Gjykatës së Lartë. Mendoj se lajmi i datës 11 shtator do të jetë shpallja e zgjedhjeve në Bashkinë e Tiranës.

Sa për të zgjedhur unë e shoh të zgjedhur në distancë e kam parë këtu e një vit para apo dhe më pas kur u bënë zgjedhjet e strukturave të PS në Tiranë që shpesh është përfolur dhe është emri i Ogerta Manastirliut.

Nuk është e rastësishme, ajo ka marrë drejtimin e Tiranës dhe atëherë Erion Veliajt nuk iu dha drejtim politik, por u la të merrej vetëm me punët e kryeqytetit, Spiropalit drejtimi i Kavajës.

Mendoj se në rast se do të shpallen zgjedhjet ministrja aktuale e Arsimit do të jetë një kandidate e mundshme për Bashkinë e Tiranës. Ndryshe nga të tjerë që kanë emrin e Blendi Gonxhes apo të Belinda Ballukut, tha gazetari Fundo./CNA





Lajmet e fundit nga