web counter
LEXO PA REKLAMA!

SHKARKO APP

App Store
Google Play

Atentati në Shkodër/ Proda, mesazh për efektivët: Betejë e përditshme për sigurinë e qytetarëve

9 Shtator 2025, 14:21, Aktualitet CNA

Atentati në Shkodër/ Proda, mesazh për efektivët:

Drejtori i Përgjithshëm i Policisë së Shtetit, Ilir Proda, ka ndërë një mesazh drejtuar efektivëve të Drejtorisë Vendore të Policisë Shkodër, pas atentatit të së hënës në këtë qytet.

Në fjalët e tij, Proda thekson se efektivët janë përballja e parë frontale me krimin dhe kontingjentin e rrezikshëm të tij.

Proda shtoi se beteja e policisë për sigurinë e qytetarëve është e përditshme dhe e palëkundur.

“Të nderuar kolegë të Policisë së Shkodrës,

Ju shpreh mirënjohjen për angazhimin tuaj maksimal gjatë këtij 24-orëshi intensiv për Policinë.

Reagimi juaj i menjëhershëm, i guximshëm dhe profesional rezultoi me kapjen dhe çuarjen përpara drejtësisë të autorit të krimit të djeshëm, ngjarje e cila dëshmoi sërish rëndësinë e misionit të Policisë, si përballja e parë frontale me krimin dhe kontingjentin e rrezikshëm të tij.

Gjej rastin që, nëpërmjet këtij mesazhi, të ngushëlloj familjarët e 2 viktimave, të uroj shërim të shpejtë për të lënduarit, si dhe t’i garantoj se Policia i ka vënë të gjitha kapacitetet e saj më të mira hetimore dhe operacionale në funksion të zbardhjes së rrethanave dhe përgjegjësive në lidhje me krimin e djeshëm, por edhe të ngjarjeve kriminale të ndodhura më parë, në Qarkun Shkodër.

Këtë vendosmëri e dëshmoi edhe goditja në lagjen 'Guerrile', ku informacioni i administruar me konfidencialitet të plotë dhe profesionalizmi operacional çuan në shkatërrimin e një baze kriminale, të pajisur me arsenal armësh dhe sende të tjera në dispozicion të krimit. Gjithashtu, çuan në identifikimin e 2 përkrahësve të autorit të krimit të djeshëm.

Së fundi, dua të garantoj qytetarët e Qarkut Shkodër dhe të mbarë Shqipërisë se beteja jonë për sigurinë e tyre është e përditshme dhe e palëkundur, dhe se po kryhet një punë intensive hetimore dhe operacionale për të parandaluar ngjarjet kriminale dhe për të zbardhur ato të ndodhura.

Gjithashtu, i ftoj qytetarët të bashkëpunojnë intensivisht me strukturat e Policisë, pasi vetëm në këtë mënyrë përmbushet objektivi ynë madhor i përbashkët: siguria publike”,-shprehet Proda./CNA

 

 

 

 

 

 

 

 





Lajmet e fundit nga