web counter
LEXO PA REKLAMA!

SHKARKO APP

App Store
Google Play

Krimi “mbërthen” Shkodrën/ Boçi: Në union me politikën

8 Shtator 2025, 16:40, Aktualitet CNA
Krimi “mbërthen” Shkodrën/ Boçi: Në union me
Luçiano Boçi

Drejtuesi politik i qarkut të Shkodrës, Luçiano Boçi ka folur pas ngjarjes kriminale në Shkodër ku mbetën dy viktima dhe disa të plagosur.

Në një intervistë, Boçi është shprehur se krimi tashmë është në union me politikën dhe ka kontrollin e të gjithë situatës.

“Krimi ka kontrollin e plotë të situatës. Nga ngjarjet e sotme, krimi në Shkodër është në habitatin e vet. Krimi është me mbështetje të plotë politike, dominon ekonominë dhe jetën sociale, dhe që përcakton raportet politike shpesh me ndërhyrjet e tij në situata zgjedhore dhe përkrahjen me mazhorancën.

Krimi nuk ekziston me akte në mes të qytetit e nuk konsideron që targeti merr edhe jetë të pafajshmish. Arroganca kriminale vjen nga mbështetja e plotë politike. Vjen si mbështetje e drejtpërdrejtë nga zyra e kryeministrit, ndaj ai ka emëruar koordinator krimi në krye të Policisë që  e ka mesazher dhe aktivues të krimit kur atij i nevojitet në fushatat zgjedhore. Rama ka përgjegjësi të plotë dhe retorikën tonë s’duhet ta çojmë vetëm në kriminalizimin e policisë. Kriminalizimi më i madh është ai politik, që kontrollon policinë.

Në Shkodër u zëvendësua drejtori i Policisë me drejtorin e ri dhe ndodhi për një incident që s’u transmetua. Është ky drejtor policie politik, që është në mbështetje të krimit, banda që bëjnë gjithçka, siç është dëshmuar nga përgjimet që qerasin njëri-tjetrin me vrasje. Janë në union me politikën e bëjnë gjithçka që ky kryeministër të vijojë pushtetin.

Policia s’ka forcë në Shkodër, segmentet e ndershme nuk veprojnë dhe marrin goditje politike e largohen nga detyra. Lëviz gjithçka në nivele të larta, mes përplasjes së bandës e policisë, më e favorizuar është banda. Kudo në Shqipëri është e njëjta situatë. Policia është jashtë kontrollit. Nëse policia s’performon mirë, me koordinimin e bandave për marrjen e votave, atëherë largohet drejtuesi. Drejtori u largua se s’kishte bërë detyrën e duhur politike për të marrë votat përmes bandave”, tha Boçi./ CNA





Lajmet e fundit nga