web counter
LEXO PA REKLAMA!

SHKARKO APP

App Store
Google Play

Krimi makabër në Shkodër/ Ekrem Spahiu: Rivendosja e dënimit me vdekje, emergjencë kombëtare

8 Shtator 2025, 18:21, Aktualitet CNA

Krimi makabër në Shkodër/ Ekrem Spahiu: Rivendosja e dënimit

Bashkëkryetari i Lëvizjes për Zhvillim Kombëtar, Ekrem Spahiu ka reaguar në lidhje me ngjarjen e rëndë në Shkodër.

Sipas Spahiut ringritja e xhandarmërisë sipas modelit të Mbretërisë shqiptare dhe rivendosja e dënimit me vdekje për krime shumë të rënda, janë emergjencë kombëtare

Ringritja e xhandarmërisë sipas modelit të Mbretërisë shqiptare dhe rivendosja e dënimit me vdekje për krime shumë të rënda, janë emergjencë kombëtare.

Ndër të tjera Spahiu nënvizon se krimi i organizuar dhe ai ordiner në bashkëjetesë me politikën, vijojnë të përbëjnë ankthin kryesor të shoqërisë shqiptare.

Sipas Spahiut krimi, jo vetëm që nuk ka frikë nga shteti, por e komandon atë.

“Shkodra u përgjak sërish nga një ngjarje kriminale në mes të qytetit, me dy viktima dhe dy të plagosur. Vrasësi u arrestua dy vite më parë për bashkëpunim në krim, por u lirua.

Krimi i organizuar dhe ai ordiner në bashkëjetesë me politiken, vijojnë të përbëjnë ankthin kryesor të shoqërisë shqiptare. Krimi, jo vetëm që nuk ka frikë nga shteti, por e komandon atë.

Në këto kushte, “Lëvizja për Zhvillim Kombëtar” shpreh bindjen e saj se, ringritja e xhandarmërisë sipas modelit të Mbretërisë shqiptare 1928-1939, me statusin e një force elitare sigurie, shoqëruar edhe me rivendosjen e dënimit me vdekje për disa kategori të mirëpërcaktuara veprash penale shumë të rënda, përbëjnë zgjidhjen e duhur për vendosjen e sigurisë publike e në veçanti të jetës së qytetarit, në gjithë teritorin e vendit”, ka deklaruar Spahiu./ CNA





Lajmet e fundit nga