web counter
LEXO PA REKLAMA!

SHKARKO APP

App Store
Google Play

“Krenari për kombin shqiptar”/ Elvi Fundo për Kryepeshkopin Janullatos: Lindi grek, por vdiq si shqiptar

28 Janar 2025, 21:00, Aktualitet CNA

“Krenari për kombin shqiptar”/ Elvi Fundo për

Gazetari Elvi Fundo i ftuar në emisionin "Now" të Erla Mëhillit foli për kontributin e Kryepeshkopit Anastas Janullatos në Shqipëri. Fundo, theksoi se ai do të mbetet një figurë shumë e respektuar ndërsa shtoi se ai lindi si grek, por ndërroi jetë si shqiptar.

“Krenari për kombin shqiptar. Përtej atyre që thuhen, shihet si po respektohet në përcjelljen e tij, në katedrale ishin qindra qytetarë dhe kishte edhe myslimanë që nderojnë veprën e tij. Është goditur me gurë, por ka dorëzuar një kishë orthodokse autoqefale të ndërtuar.

Komplekse pse është grek, pse e solli Kostandinopoja. Por, ai erdhi me mision. Ka studiuar në dy universitete të Gjermanisë, një poliglot, fliste greqisht, shqip, anglisht, gjermanisht. Ai ka lindur si grek, por ndërroi jetë si një shqiptar. Ai ka ndërtuar kishat dhe nuk i mori me vete, por ja la shqipërisë si trashëgimi.

Ka ndërtuar shkolla fillore, të mesme dhe universite për të studiuar klerikët shqiptarë. Ka ndërtuar qendra shëndetësore, klinikën ortodokse që vazhdon me të njëtat tarifa si atëherë. Nuk e ka ndërtuar për të ardhura, por për ti shërbuyer qytetarëve.

Ka qenë një misionar, ka ndërtuar kisha, ka ndërtuar një kor të shkëlqyer të kishës ortodokse për të kënduar shqip. Ka botuar me qindra e qindra vepra që janë përkthyer në gjuhën shqipe. Janë vepra që i përkasin arsimit dhe shëndetësisë.

Janullatosi rrezatonte një atmosferë qetësie, gjithmonë shfaqte gëzim dhe bekim. Ky njeri kaq shumë i goditur pa të drejtë. Thoshte se në Shqipëri e gjuanin me gurë dhe më pas në Greqi i thonin se po ndërton në Shqipëri dhe po lyp gjithandej.

Por ai thoshte "Unë vendosa të mbledh gurët dhe të ndërtoj kishat". I ka vrarë me pambuk edhe ata që e luftonin, lutej për ta. Ka pasur një qetësi dhe lumturi të rrallë që mund ta kenë vetëm misionarët, kemi pasur një shenjtor të gjallë", tha Fundo. /CNA  





Lajmet e fundit nga