web counter
LEXO PA REKLAMA!

SHKARKO APP

E fundit!

x

Nuk u ndje mirë gjatë seancës gjyqësore/ Humb jetën avokati nga Shkodra

28 Janar 2025, 17:04, Aktualitet CNA

Nuk u ndje mirë gjatë seancës gjyqësore/ Humb jetën

Gjykata e Apelit nëpërmjet një njoftimi të shpërndarë për mediat, bëri të ditur se avokati nga Shkodra, Gjovalin Ulndreaj humbi jetën këtë martë në “QSUT”.

Ai u dërgua me urgjencë në spital pasi gjatë një seance gjyqësore nuk u ndje mirë dhe për fat të keq u nda nga jeta në mënyrë të papritur teksa mbeten ende të paqarta shkaqet e vdekjes.

Njoftimi i Gjykatës së Apelit:

Sot në datë 28.01.2025, rreth orës 12:00, në një prej sallave të gjykimit të Gjykatës së Apelit të Juridiksionit të Përgjithshëm, po zhvillohej një gjykim penal ku merrte pjesë në cilësinë e mbrojtësit edhe avokati z. Gjovalin Ulndreaj, anëtar i Dhomës së Avokatëve Shkodër.

Gjatë zhvillimit të gjykimit, avokati ka shfaqur probleme serioze shëndetësore, duke sjellë ndërprerjen e menjëhershëm të procesit dhe dhënien e ndihmës së parë nga personat e pranishëm, deri në mbërritjen e shërbimit të Urgjencës QSUNT Tiranë.

Në vijim të komunikimit me familjarët e avokatit, u bë me dije se, fatkeqësisht avokati kishte ndërruar jetë në ambientet e spitalit.

Trupa gjyqësore e kësaj Gjykate dhe stafi administrativ, duke vlerësuar kontributin në procesin e dhënies së drejtësisë, u shpreh ngushëllimet më të sinqerta të afërmve të të ndjerit avokatit Gjovalin Ulndreaj. /CNA





Lajmet e fundit nga