web counter
LEXO PA REKLAMA!

SHKARKO APP

App Store
Google Play

E fundit!

x

KPA lë në fuqi vendimin për shkarkimin e 2 gjyqtarëve

30 Shtator 2025, 20:20, Aktualitet CNA

KPA lë në fuqi vendimin për shkarkimin e 2 gjyqtarëve

Komisioni i Posacëm i Apelimit ditën e sotme ka lënë në fuqi vendimet për shkarkimin nga detyra të gjyqtarëve Izabela Radovani dhe Taulant Tafa.

Izabela Radovani mbante detyrën e gjyqtares në Gjykatën e Shkodrës, ndërsa Tafa ishte gjyqtar në Gjykatën e Elbasanit.

"Trupi gjykues i Kolegjit të Posaçëm të Apelimit, i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare, shpalli vendimin për çështjen nr. 34/2023, datë 20.07.2023, që i përket ankimit të subjektit të rivlerësimit Izabela Radovani kundër vendimit të Komisionit të Pavarur të Kualifikimit, nr. 647, datë 14.04.2023.

Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 647, datë 14.04.2023 të Komisionit të Pavarur të Kualifikimit, që i përket subjektit të rivlerësimit Izabela Radovani.

Ky vendim është përfundimtar dhe ka efekt të menjëhershëm.

U shpall sot, në Tiranë, më datë 30.09.2025", njofton KPA.

 

Komisioni i Pavarur i Kualifikimit, vendosi më 24 prill 2023, shkarkimin nga detyra të Taulant Tafës.

"Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Ina Rama, Mimoza Tasi, Rezarta Schuetz anëtare, shpalli vendimin për çështjen nr. 26/2023, datë 29.06.2023, që i përket ankimit të subjektit të rivlerësimit Taulant Tafa kundër vendimit të Komisionit të Pavarur të Kualifikimit, nr. 649, datë 24.04.2023.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 649, datë 24.04.2023 të Komisionit të Pavarur të Kualifikimit, që i përket subjektit të rivlerësimit Taulant Tafa.

Ky vendim është përfundimtar dhe ka efekt të menjëhershëm.

U shpall sot, në Tiranë, më datë 30.09.2025", njofton KPA.

 

Ndërsa vendimi për shkarkimin e gjyqtares Radovani u mor më 14 prill 2023.





Lajmet e fundit nga