web counter
LEXO PA REKLAMA!

SHKARKO APP

App Store
Google Play

Ngacmoi seksualisht një të mitur/ Prokuroria e Fierit dërgon për gjykim një shtetas

30 Shtator 2025, 15:28, Aktualitet CNA

Ngacmoi seksualisht një të mitur/ Prokuroria e Fierit dërgon

Prokuroria e Fierit ka dërguar për gjykim një shtetas, për veprën penale të ngacmimit seksual të një të miture.

Bazuar në detajet e ndara nga kjo prokurori, shtetasi me iniciale Sh.L., ka kryer veprime konkrete të natyrës seksuale në dëm të të miturës, duke konsumuar elementët e veprës penale, parashikuar nga neni 108/a pg.2 i Kodit Penal.

Njoftimi i plotë:

Prokuroria pranë Gjykatës së Shkallës së Parë të Juridiksionit të Përgjithshëm, Fier përfundoi hetimet dhe dërgon në gjyq shtetasin Sh.L. për veprën penale ‘Ngacmim seksual’ parashikuar nga neni 108/a, pg.2 i Kodit Penal.

Nga hetimet mbi procedimin penal nr.415, datë 01.04.2025, u provua se shtetasi Sh.L., ka kryer veprime konkrete të natyrës seksuale në dëm të të miturës, duke konsumuar elementët e veprës penale “Ngacmimi seksual”, parashikuar nga neni 108/a pg.2 i Kodit Penal.
Nga tërësia e hetimeve të kryera rezultoi se personi nën hetim Sh.L. me veprime aktive të kundraligjshme, konkretisht prekje në pjesë të ndryshme të trupit, ka cenuar dinjitetin e të miturës duke përfituar nga mosha e re dhe gjendja e saj sociale.

Personi i pandehur Sh.L., i ka dhuruar para si dhe ka kërkuar të shkëmbejë puthje intime me të. E mitura pas ngacmimit ka kontaktuar mësuesen e saj kujdestare, e cila në bashkëpunim me shërbimin social përkatës ka referuar rastin në polici.
I pandehuri Sh.L është hetuar me masën e sigurimit personal “Arrest në burg”./CNA

 

 

 

 

 

 

 





Lajmet e fundit nga