web counter
LEXO PA REKLAMA!

SHKARKO APP

App Store
Google Play

E fundit!

x

Koncesioni i sterilizimit/ Erion Dasho: Çdo gjë që ka prekur Rilindja është ndotur

29 Dhjetor 2023, 17:43, Aktualitet CNA
Koncesioni i sterilizimit/ Erion Dasho: Çdo gjë që ka prekur
Erion Dasho

Ditën e sotme, ish-ministri Ilir Beqaj është paraqitur në SPAK pasi është nën hetim për koncesionin e strerilizimit dhe ndaj tij është marrë masa e sigurisë detyrim me paraqitje.

Mjeku Erion Dasho ka deklaruar se, SPAK tani po fokusohet tek ai që është strumbullari i gjithë aferës.

Dasho tha se u desh një presion shumë i madh nga opozita dhe shoqëria civile që Beqaj të merrte një masë sigurie dhe të ndalohej të dilte jashtë vendit.

Ai shton se çdo gjë që Rilindja ka prekur është ndotur.

 “Në radhë të parë mua më vjen mirë që objekti SPAK po fokusohet te ai që ështe strumbullari i gjithë problemit, ish ministri Beqja.

Pra deri tani kemi parë të arrestuar zëvendës ministrin ose drejtuesin teknik të koncesionit, dhe disa masa të ndryshme sigurie. Për zotin Beqaj u desh një presion shumë i madh i opozitës dhe i shoqërisë civile që më në fund të merrte një masë detyrim paraqitje dhe ndalim për dalje jashtë vendit.

Mesazhi që unë marr nga gjithë kjo histori është se tashmë po duket fare qartë se çdo gjë që ka prekur Rilindja me dorë është ndotur. Rilindja erdhi dhe gjeti një sistem shëndetësor që mbase nuk ishte sistemi më i mirë në botë, por një sistem që funksiononte dhe ofronte kujdes.

Rilindja, këtë sistem në radhë të parë e zhbëri dhe në radhë të dytë e përdori për pasurimin e eksponentëve të saj, për pasurimin e oligarkëve të lidhur me të, në mënyrën më të paturpshme të mundshme.

Koncensioni ndodhet nën hetim prej shumë vitesh dhe prej disa muajsh drejtuesi i koncensionit ndodhet në arrest me burg.

Kanë dalë të gjithë ato elementët abuzues në këtë koncension”, tha Dasho./ CNA





Lajmet e fundit nga