LEXO PA REKLAMA!

SHKARKO APP

Koncert festiv në Tiranë/ Bashkia mbush sheshin me punonjësit e administratës

28 Korrik 2022, 20:59, Aktualitet CNA
Koncert festiv në Tiranë/ Bashkia mbush sheshin me punonjësit e
Konceri në sheshin "Skënderbej"

Në sheshin “Skënderbej” në kuadër të festimit të 100-vjetorit të vendosjes së marrëdhënieve diplomatike mes Shqipërisë dhe Shteteve të Bashkuara të Amerikës, si dhe për të festuar hapjen e negociatave me Bashkimin Europian, ka nisur një koncert festiv të organizuar nga Bashkia e Tiranës.

Në këtë koncert festiv po performojnë emrat më të njohur të muzikës shqiptare.  

Sheshi është mbushur me punonjësit e administratës së vendit, të cilët janë detyruar me urdhër të jenë prezent.

Të organizuar me lista sipas drejtorive, punonjësit e administratës janë ngrumbulluar në pjesë të ndryshme të sheshit për t’iu bashkuar me pas turmës.

Gjithashtu me urdhër dhe lista kanë ardhur edhe autobusë nga rrethet.

Në rrjet gjatë 24 orëve të fundit kanë qarkulluar me qindra mesazhe, ku punonjësve të adminstratës ju jepet urdhri që të jenë të gjithë në shesh pa asnjë përjashtim.

Sipas këtyre mesazheve, nëse ata nuk merrnin pjesë në këtë koncert atëherë rrezikojnë vendin e punës./CNA.al

Lajmet e fundit nga