web counter
LEXO PA REKLAMA!

SHKARKO APP

App Store
Google Play

E fundit!

x

Karamuço: Shtetet fqinje e kanë halë në sy interesin e familjes së Trump për investime në Vlorë

1 Qershor 2026, 21:16, Aktualitet CNA

Karamuço: Shtetet fqinje e kanë halë në sy interesin e

Eksperti i kriminalistikës, Ervin Karamuço ka folur mbrëmjen e sotme lidhur me protestat e zhvilluara në Tiranë për ngjarjet e ndodhura në Zvërnec.

Në një lidhje me emisionin “Now me Erla Mëhillin”, Karamuço u shpreh se personat përgjegjës për dhunën e ushtruar ndaj protestuesit duhet të marrin dënimin e merituar.

“Ishte një protestë paqësore deri në momentin kur ndodhi ajo që pamë të gjithë. Personat përgjegjës duhet të marrin dënimin e merituar. Ndërhyrja e drejtorit të Përgjithshëm vuri para përgjegjësisë dy firmat private dhe drejtorinë vendore të policisë Vlorë. Përgjigja e shpejtë e Policisë së Shteti bëri që këta persona të vihen para përgjegjësisë”, tha Karamuço.

Ndër të tjera, ai shtoi se interesi i vajzës së Donald Trump, Ivanka Trump dhe bashkëshortit të saj, Jared Kushner për një investim madhor në zonën e Vlorës "është parë me zili nga shtetet fqinje". Karamuço theksoi se investimet e huaja në vend nuk duhet të kundërshtohen.

“Kishte shumë kohë historia e familjes së presidentit Donald Trump e cila ishte e fokusuar për një investim të madh në zonën e Vlorës, nga ana e shteteve fqinje të rajonit, ishte halë në sy. Jo se e organizojnë ata, por ka një nxitje të faktorëve të jashtëm për ta sabotuar këtë investim kaq të madh në jug të vendit. Unë jam për transparencë. Por nuk jam t’i kthehet kurrizi investimeve të huaj se nuk do të bëhemi më serioz kurrë, me grupe interesi shumë të rëndësishme globale se do thonë që Shqipëria është një kosh plehrash që duhen çuar vetëm mbeturina dhe jo para. Paratë t’i cojmë në Mal të Zi dhe Greqi. Nuk e kemi luksin si shteti t’i kthejmë krahët një investimi kaq të madh”, u shpreh ai. /CNA





Lajmet e fundit nga