web counter
LEXO PA REKLAMA!

SHKARKO APP

E fundit!

x

Emërohet drejtoresha e re e QSUT-së/ Kush është Rudina Degjoni

1 Qershor 2026, 15:32, Aktualitet CNA

Emërohet drejtoresha e re e QSUT-së/ Kush është Rudina

Rudina Degjoni është emëruar drejtoreshë e QSUT-së, pas lirimit nga detyra të Anxhela Paparizos. Lajmi është bërë me dije përmes një njoftimi nga Ministria e Shëndetësisë.

Kush është Rudina Degjoni?

Rudina Degjoni ka përfunduar studimet Bachelor dhe Master në Athinë, për Menaxhim të Shëndetësisë dhe Mirëqenies Sociale.

Më vonë ka studiuar në Zvicër për Administrim Biznesi. Po ashtu edhe studimet e doktoraturës në këtë fushë në Zvicër.

Nga viti 2012 ka punuar në Fondin e Sigurimeve Shëndetësore të Shqipërisë. Ajo ka punuar në disa spitale në Shqipëri dhe në Greqi, ku ka mbajtur pozicione si Shefe e Departamentit të Pacientëve, Shefe e Departamentit të Operacioneve, Oficere shërbimi për pacientët, Drejtuese e Departamentit të Shërbimit të Konsumatorëve.

Degjoni është emëruar në krye të Fondit të Sigurimit të Detyrueshëm të Kujdesit Shëndetësor (FSDKSH) në maj të vitit 2019 pas një eksperience menaxhuese dhe akademike disavjeçare dhe u largua nga ky institucion në shtator të vitit 2020./ CNA





Lajmet e fundit nga