web counter
LEXO PA REKLAMA!

SHKARKO APP

App Store
Google Play

E fundit!

x

“Izolohet” Tirana/ Detajet, ja akset rrugore që do të jenë të bllokuara deri në orën 18:00

6 Dhjetor 2022, 08:11, Aktualitet CNA
“Izolohet” Tirana/ Detajet, ja akset rrugore që do të
Foto ilustruese

Sot Tirana do të jetë e izoluar dhe nën masa të rrepta sigurie, si rrjedhojë e mbajtjes së Samitit BE-Ballkani Perëndimor.

Forca të shumta policie kanë zbarkuar në terren për të siguruar rendin dhe mbarëvajtjen e Samitit.

Gjithashtu janë bllokuar akset kryesore rrugore. Duke nisur nga ora 06:00 e mëngjesit deri në orën 18:00 do të jenë të bllokuar akset "Rinas Qafë-Kashar, autostrada Tiranë-Durrës, sheshi ‘Shqiponja’, unaza e Astirit, Kopshti Botanik, rrethrrotullimi i Saukut, rrethrrotullimi te ‘Varrezat e Dëshmorëve’, rruga e 'Elbasanit' deri në urën e ‘Elbasanit’. Gjithashtu do të jenë të bllokuara edhe rrugët që lidhin rrugën e Elbasanit me rrugën ‘Papa Gjon Pali II’.

Ja cilat do të jenë akset e bllokuara

-Bulevardi “Dëshmorët e Kombit”, nga ura e Dajtit deri te sheshi “Nënë Tereza”;

-Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

-Rruga “Papa Gjon Pali II” nga ETC-RTSH-Stadium;

-Rruga “Dervish Hima”;

-Rruga “Asim Zeneli”;

-Rruga “Themistokli Gërmenji”, pranë rrugës së "Elbasanit" dhe te kryqëzimi afër rrugës “Papa Gjon Pali II”;

-Rruga “Ismail Qemali”, nga kryqëzimi i Liceut deri te rruga e “Elbasanit”.

-Rruga “Mustafa Matohiti”, pranë shkollës “Kosova”;

-Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

-Rruga “Fatmir Haxhiu”, tek ETC;

-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;

-Rruga “Skerdilajd Llagami”

-Rruga “Faik Konica”.

-Ndalim të qarkullimit të automjeteve do të ketë edhe në aksin rrugor;

-Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri te kryqëzimi me bulevardin “Bajram Curri”.

-Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”./ CNA.al





Lajmet e fundit nga