web counter
LEXO PA REKLAMA!

SHKARKO APP

App Store
Google Play

E fundit!

x

Tirana "e blinduar” dhe "e paralizuar”/ Mbahet sot Samiti BE-Ballkani Perëndimor, opozita në protestë

6 Dhjetor 2022, 08:02, Aktualitet CNA
Tirana "e blinduar” dhe "e paralizuar”/ Mbahet sot Samiti
Foto ilustruese

Ditën e sotme do të mbahet Samiti BE-Ballkani Perëndimor. Liderët e Europës kanë zbarkuar në Tiranë, dhe kryeqyteti është nën masa të rrepta sigurie. Akset kryesore rrugore janë bllokuar, ndërsa forca të shumta policie janë në gatishmëri për të ruajtur rendin dhe sigurinë për mbarëvajtjen e Samitit.

Lufta në Ukrainë e ka kthyer çështjen e zgjerimit në krye të axhendës së bllokut europian, pas disa vitesh zvarritjeje e pengesash. Kryeministri Edi Rama tha se takimi njëditor është tregues i interesit gjeostrategjik që Europa ka ndaj rajonit.

Nga ana tjetër kemi opozitën, e cila po në këtë ditë ka vendosur të organizojë protestë. Lideri i saj, Sali Berisha, ka deklaruar se kjo protestë do të jetë një shenjë mikpritjeje për lidershipin europian, por gjithashtu një tregues se si qeveria po keqqeveris vendin dhe është kthyer në një regjim.

Berisha është shprehur se protesta do të mbahet në bulevardin ‘Dëshmorët e Kombit’ para kryeministrisë, ndërsa më parë kjo kërkesë është refuzuar nga autoritetet, duke thënë se kjo nuk mund të lejohet për shkak të sigurisë dhe masave që janë marrë në kuadër të Samitit.

“Jemi në shesh për të protestuar kundër armikut të përbetuar kundër vlerave europiane, Ramës dhe regjimit të tij. S’do fshehim asgjë, ne dalim më datë 6 për t'i thënë Europës se ky s’përfaqëson asnjë opozitë por as popullin”, ka thënë Berisha në një nga deklaratat e tij.

Ndërkohë mësohet dhe axhenda që do të mbahet ditën e sotme. 

9:30 – Mbërritja e liderëve
10:00 – Firmosja e marrëveshjes Roaming
10:15 – Vijon mbërritja e liderëve të tjerë
11:00 – Fillon seanca plenare (I)
11:45 – Foto familjare
12:15 – Seanca plenare (II)
14:30 – Konferenca e liderëve./ CNA.al





Lajmet e fundit nga