E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Gjyqi fillon, mashtrimi vazhdon

29 Shtator 2025, 09:59, Aktualitet CNA

Sot, në orën 12:00, në Gjykatën e Posaçme do të zhvillohet seanca paraprake për ish-kryebashkiakun e arrestuar të Tiranës, Erion Veliaj, bashkëshorten e tij Ajola Xoxa, mikun e tij Elman Abulen, Klotilda Bushkën, gardianin e burgut të Durrësit, Fatjon Baci dhe të pandehurit e tjerë.

Çështja do të shqyrtohet nga gjyqtarja Etleva Deda, e cila do të vendosë nëse dosja do të kalojë për gjykim.

Por ndërkohë që gjyqi fillon, mashtrimi i Erion Veliajt dhe mbetjes mediatike Mero Bazes vazhdon.

Sot bëhen plot 43 ditë nga mashtrimi publik i Erion Veliajt dhe Mero Bazes në lidhje me pretendimet dhe akuzat ndaj prokurorit Ols Dado, për të cilin thonë se ka kryer hetimet për hakmarrje dhe në konflikt interesi, pasi ka kërkuar një shtesë mbi lejen e ndërtimit, e cila i është refuzuar.

Këto pretendime dhe akuza mbeten veçse në gojën e dy mashtruesve publikë, një ish-kryetari që është kapur nëntë herë me korrupsion, në shpërdorim detyre, me pastrim të produkteve penale, me fshehje pasurie dhe një mbetje mediatike si Mero Baze, të cilit po ashtu i janë zbardhur pasuritë që i ka përfituar me strategjinë e tij të njohur "sulmo dhe shantazho".

Të dy janë kapur të gjallë në mashtrim.

Asnjëri prej tyre, as Veliaj dhe as Baze nuk kanë vërtetuar mashtrimet e tyre, duke mos publikuar dokumentin me firmën e Ols Dados dhe as refuzimin me firmën e Veliajt.

(Kërkesa nuk ekziston ashtu si inceneratori i Tiranës)

Të gjitha këto mashtrime bëhen me qëllimin e vetëm për të goditur në mënyrë kriminale drejtësinë, prokurorët dhe gjyqtarët.

Në pretendimet e tij mashtruese ashtu siç citon në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Gjyqi fillon, mashtrimi vazhdon

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Gjyqi fillon, mashtrimi vazhdon

Pse nuk e nxjerr Veliaj dokumentin me firmën e Ols Dados dhe refuzimin me firmën e tij?

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Sot janë mbushur 43 ditë dhe paturpësisht vijojnë mashtrimet dhe gënjeshtrat e Veliajt dhe Mero Bazes./ CNA