web counter
LEXO PA REKLAMA!

SHKARKO APP

E fundit!

x

Vrasja e biznesmenit italian/ Berisha: Pas krimi më i shëmtuar se krimi

28 Shtator 2025, 15:14, Aktualitet CNA
Vrasja e biznesmenit italian/ Berisha: Pas krimi më i shëmtuar se
Kreu i PD-së Sali Berisha

Kreu i PD-së Sali Berisha ka reaguar në lidhje me vrasjen misterioze të biznesmenit italian E.S si dhe lirin e tre personave të shoqëruar.

Berisha përmes një statusi në rrjetet sociale tha se, një makineri e tërë shtetërore mashtrimi është angazhuar për të mbrojtur vrasësin e biznesmenit italian.

Lideri i demokratëve tha se, pas krimi është më i shëmtuar se krimi.

“Pas krimi është edhe më i shëmtuar se krimi.

Përpjekje kriminale për të mbrojtur vrasësit e pushtetit, vrasësit e biznesmenit italian.

Të dashur miq, një makineri e tërë shtetërore mashtrimi për të mbrojtur vrasësin e biznesmenit italian.

Një herë thuhet se ishte me 4 veta në makinë, një herë tjetër shkruhet se ai mori një plumb në këmbë dhe vdiq nga hemorragjia, herën tjetër thuhet se mori një plumb në kokë. Klani Braçe, me gjithë dëshmitë kontradiktore të secilit prej tyre, u la i lirë. Madje iu kërkuan ndjesë se i morën në pyetje.

Tani mbetet të thuhet se i ndjeri vrau veten me një plumb në kokë dhe nuk e ka vrarë njeri.

Të dashur miq, në një vend ku shteti dhe mafia janë një, ku vrasësi dhe hetuesi janë një, në krime habi nuk ka, por edhe pas krimi është edhe më i shëmtuar se krimi” shkruan Berisha./ CNA





Lajmet e fundit nga