web counter
LEXO PA REKLAMA!

SHKARKO APP

App Store
Google Play

E fundit!

x

“Gjuha shqipe, gjuhë zyrtare në Maqedoninë e Veriut”/ Spiropali: Të respektohet në ligj dhe në praktikë

24 Dhjetor 2025, 11:43, Aktualitet CNA

“Gjuha shqipe, gjuhë zyrtare në Maqedoninë e Veriut”/

Ministrja e Jashtme Elisa Spiropali gjatë vizitës në Maqedoninë e Veriut ka deklaruar se gjuha shqipe, është gjuhë zyrtare në Maqedoninë e Veriut dhe duhet të respektohet në ligj dhe në praktikë, të mësohet me dashuri brez pas brezi si pasuri e përbashkët e mozaikut multietnik.

"Të respektohet në ligj dhe në praktikë, të mësohet me dashuri brez pas brezi, si pasuri e përbashkët e mozaikut multietnik. Ajo na bashkon si zë historie dhe rrënjë identiteti. Në çdo shkronjë mban kujtesë, dritë dhe sakrificë që ende jeton", ka theksuar Spiropali.

“Vizita në Institutin e Trashëgimisë Shpirtërore dhe Kulturore të Shqiptarëve në Shkup është një ndalesë me peshë të veçantë në rrugëtimin e kujtesës sonë kombëtare.

Në këtë qytet ku historia shqiptare ka lënë gjurmë të thella, nga Shën Tereza te Pjetër Bogdani, nga Hasan Prishtina e shumë figura të tjera, gjejmë themelet mbi të cilat është ndërtuar identiteti, dinjiteti dhe vizioni ynë si komb.

Puna e Institutit është një pikë referimi jo vetëm për shqiptarët në Maqedoninë e Veriut, por për gjithë hapësirën mbarëshqiptare. Studimet mbi gjuhën shqipe, trashëgiminë kulturore dhe kujtesën historike e bëjnë atë një shtyllë të rëndësishme të vetëdijes sonë kolektive.

Gjuha shqipe është gjuhë zyrtare në Maqedoninë e Veriut dhe duhet mbrojtur e kultivuar.

Të respektohet në ligj dhe në praktikë, të mësohet me dashuri brez pas brezi, si pasuri e përbashkët e mozaikut multietnik.

Ajo na bashkon si zë historie dhe rrënjë identiteti. Në çdo shkronjë mban kujtesë, dritë dhe sakrificë që ende jeton”, nënvizon Spiropali./ CNA





Lajmet e fundit nga