web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ Rrënojat e ish-Turizmit të vjetër, gangrenë për Pogradecin

9 Janar 2024, 15:26, Aktualitet CNA

FOTO/ Rrënojat e ish-Turizmit të vjetër, gangrenë për

Sot në mesditë nënkryetari i PD-së, Luçiano Boçi, dhe dy përfaqësues të Partisë Demokratike të degës Pogradec, denoncuan disa ndërtime që do të zhvillohen në këtë qytet, duke përmendur ish-Turizmin e vjetër apo atë që quhet "Oktapodi". Një projekt biznesesh që Boçi e trajtoi politikisht duke akuzuar dhe ndërtuesin, ku sipas tij, ishte njeri i kallëzuar dy herë në SPAK nga opozita.

Në fakt denoncimi i PD-së vjen me vonesë, ku dhe tregohet se nuk ka koherencë dhe ka një klientelizëm të plotë. Në atë që thotë zoti Boçi, nuk tregohet se kjo pronë është një rrënojë, një “kancer” për qytetin e Pogradecit prej gati 30 vitesh, një pasuri, një pjesë e kthyer ish-pronarëve, një pjesë tjetër përfituar nga privatizimet, një pasuri me sipërfaqe rreth 12 mijë metra katrorë dhe ka qenë në pronësi të shtetasit Irfan Hysenbelliu, duke qenë se ky i fundit ka qenë klienti i Lulzim Bashës dhe oborrit opozitar, asnjëherë nuk është folur.

CNA sot në Pogradec me një nga bashkëpunëtorët siguruar disa foto, të cilat mund t'i shikoni më poshtë, cila është situata e ish-Turizmit të vjetër dhe zonës për të cilën flet zoti Luçiano Boçi.

FOTO/ Rrënojat e ish-Turizmit të vjetër, gangrenë për
Rrënojat në Pogradec

Gjithçka e artikuluar politikisht është njëra anë, por fakti i një gjendje kur dhe Partia Demokratike, qeveria e saj, ku PD-ja apo ku "Rilindja" në pushtet kanë përgjegjësi, sepse e kanë lënë për gati 33 vite në një gangrenë. Është një “kancer” për qytetin e Pogradecit.

FOTO/ Rrënojat e ish-Turizmit të vjetër, gangrenë për
Rrënojat në Pogradec

Atje gjen drogaxhinj, të mjerë, pisllëqe. Gjatë kohës të turizmit është një turp dhe faqe e zezë për qytetin e Pogradecit dhe problemi nuk është kush e ndërton apo e zhvillon, qoftë Irfani apo Armand Lilo, i cili tani është kthyer në target të opozitës.

Thelbi është se ajo zonë, e cila është një “kancer” për Pogradecin duhet të rirregullohet, sistemohet, zhvillohet dhe ka pronarë ku është një sipërfaqe prej 12 mijë metrash katrorë. Shteti mund ta shpronësojë dhe mund ta kthejë në park dhe lulishte dhe t’u japë paratë pronarëve apo zhvilluesve dhe nuk ka asgjë të keqe.

Në rast se nuk ka pasur para për ta shpronësuar ajo zonë duhet të zhvillohet dhe duhet të zhduken menjëherë ngrehinat, ujërat e zeza, plehrat, pasi një pjesë e madhe është kthyer në një zonë grumbullimi mbetjesh, të cilat po kontaminojnë edhe ujërat e liqenit dhe çdo gjë është lehtësisht e dukshme me sy.

FOTO/ Rrënojat e ish-Turizmit të vjetër, gangrenë për
Rrënojat e ish-Turizimit

Përtej të bërit politikë, e mira është të shikohet e vërteta në sy, të shikohen faktet në sy dhe më pas të artikulohet. Jo pasi e shet Irfani, marrim disa letra dhe bëjmë një konferencë shtypi, por të kërkohet një, ajo gangrenë të zhduket nga Pogradeci, pasi shkëlqimin e atij qyteti, bukurinë e liqenit, është gjurma e vetme që e shkatërron dhe këtë e shkakton prona e ish-Turizmit të vjetër dhe këtë mund ta thonë me mijëra qytetarë të Pogradecit.

Fotot më poshtë tregojnë situatën dhe të vërtetën e gjithçkaje përtej propagandës politike, betejave politike apo intrigave të krijuara për përfitime publike apo përplasje mes biznesmenëve./CNA 

 





Lajmet e fundit nga