web counter
LEXO PA REKLAMA!

SHKARKO APP

App Store
Google Play

E fundit!

x

Foto-Inceneratori i ndërtuar për të vjedhur milionat/ Boçi “sjell” Elbasanin të mbuluar nga mbeturinat

6 Janar 2023, 11:14, Aktualitet CNA

Foto-Inceneratori i ndërtuar për të vjedhur milionat/ Boçi

Luçiano Boçi, kandidat i PD-së, për kryetar të Bashkisë së Elbasanit, denoncon ndotjen e qytetit nga mbeturinat.

Boçi ka hedhur në rrjete sociale, disa foto ku shihen mbeturinat e hedhura në rrugët e qytetit.

“Plehrat e Elbasanit natën dhe ditën, në qendër dhe periferi.

Kudo sheh tym, pluhur, plehra.

Madje seleksionuesit nomade me karrocat e tyre epike, ndajnë plastikat e letrat brenda në kazanë për të siguruar mbijetesën.

Pamje trishtuese dhe shokuese”, shkruan Boçi.

Në Elbasan është ndërtuar një incenerator, pikërisht që të mos ishte kjo gjendje.

Por inceneratori në fjalë që sot është nën hetim, ka shërbyer vetëm për të vjedhur para dhe sot është jashtë funksionit.

“Ndërkohë Inceneratori helmues, brenda cilit duhet të bëhet seleksionimi, sipas Bashkisë është ende prej shumë muajsh në remont.

Por kjo nuk e pengon bashkinë t’i marrë qytetarëve nga xhepat 25€ për ton dhe pse vetëm i grumbullon plehrat.

Grabitje e pastër në një Bashki të bërë pis!

Pa harruar 27 milion € që u rrëmbyen për vetë inceneratorin e që sot nuk funksionon.

Më 14 Maj kjo situatë merr fund”, përfundon reagimin Boçi./CNA.al





Lajmet e fundit nga