web counter
LEXO PA REKLAMA!

SHKARKO APP

App Store
Google Play

E fundit!

x

“Flinte te Plaza vetë qeni”/ Gjyqtarja u kërkoi bandave të hakmerreshin ndaj Saimir Kodrës

26 Nëntor 2024, 10:24, Aktualitet CNA

“Flinte te Plaza vetë qeni”/ Gjyqtarja u kërkoi bandave

SPAK së fundi ka kryer një megaoperacion kundër krimit të organizuar si rezultat i të cilit ka lëshuar disa urdhër-arreste.

Ndër to edhe për ish-gjyqtaren Pajtime Fetahu, e cila sipas zbërthimit të aplikacionit SKY Ecc dhe Encrochat i ka kërkuar bandës së Suel Çelës që të hakmerreshin ndaj gazetarit Saimir Kodra.

Mësohet se personazhet e krimit i kishin vënë në dispozicion ish-gjyqtares Pajtime Fetahu një telefon me aplikacionin e enkriptuar “Sky Ecc” për të folur me ta për planin e “hakmarrjes” ndaj gazetarit Saimir Kodra. Lidhja mes gjyqtares dhe bandës mundësohet nga vajza e saj, Megi Fetahu, e cila shprehet se “mami u kënaq kur i thashë se do të flasë me ju”.

Sipas një bisede të zbardhur duket se plani ka dështuar pasi ai i shkruan:

“XXX i bën me dije gjyqtares Pajtime Fetahu se ka dashur ta dëmtojë Saimir Kodrën, drejtues i emisionit investigativ 'Stop'. Por në pamundësi për ta gjetur atëherë miqtë e tij, XXX dhe XXX, të cilët dyshohet se janë XXX. dhe XXX, kanë djegur banesën e prindërve të tij (Saimir Kodrës).

Nga biseda dyshohet se gjyqtarja Pajtime Fetah ka një shqetësim në lidhje me drejtuesin e emisionit 'Stop' për të cilin personi me të cilin kjo flet thotë se do të hakmerret ndaj tij dhe shprehet se për atë që i ka bërë asaj do ta paguajë 10-fish.” – thuhet në dosjen e SPAK.

“Për çunin e vogël…nuk ka asnjë lidhje me djegien e makinave. Ai mund të ketë djegur shpin e familjarëve të Sajmirit të Stopit, kte se kam të sigurt hahaha. Në fakt atë e kan ba shokët e mir Endri me Kledin. Në fakt unë doja ta dëmtoja direkt Saimirin. Ishte e pamundur, ruhej shumë. Flinte te 'Plaza' vetë qeni, por do ta kap. Atë që të ka ba ty ai do ta paguajë 10-fish. Do më falësh që nuk jam marrë shumë me të, se e di jemi të ngarkuar. Ta kalojmë këtë valë, nuk të falet, do ta paguajë për atë që të ka bërë ty. Me atë jan marrë personalisht shokët e mi të ngushtë Endri me Kledin" – thuhet në mesazhin që Suel Çela i ka dërguar gjyqtares Fetahu.

Duket se krimi i organizuar ka dashur që t’i bëjë qejfin gjyqtares Pajtime Fetahu, në këmbim të ndonjë tjetër favori.

Kjo kuptohet nga reagimi i gazetarit Saimir Kodra, i cili në një prononcim për emisionin “Stop”, pranoi përplasjen me gjyqtaren Fetahu.

“Asgjë më tepër sesa kam denoncuar veprimet korruptive të saj në gjykatën e Elbasanit. E kam pasur gjithçka institucionale dhe asgjë më tepër. Madje kam pasur më shumë denoncime për t’u parë personalisht me të dhe me familjen e saj, por nuk kam pranuar pasi qasja ime gazetareske ishte vetëm ajo institucionale. Por ja që jetojmë dhe në këtë vend që ka dhe kështu gjyqtarësh”, u shpreh Kodra.

Po ashtu mohoi që të jetë djegur banesa e prindërve të tij dhe të ketë fjetur te "Plaza".

“Jo! Nuk është e vërtetë fare kjo gjë madje nuk flija fare te ‘Plaza’”, ka deklaruar ai./ CNA





Lajmet e fundit nga