web counter
LEXO PA REKLAMA!

SHKARKO APP

App Store
Google Play

E fundit!

x

Festivali i 61-të i Këngës/ Kapexhiu: Ka një ndryshim të madh muzika në ditët e sotme, ende nuk ka hyrë brenda shpirtit tonë

24 Dhjetor 2022, 19:29, Aktualitet CNA
Festivali i 61-të i Këngës/ Kapexhiu: Ka një ndryshim
Regjisori Bujar Kapexhiu

Regjisori Bujar Kapexhiu ka cilësuar Festivalin e 11-të të Këngës, një nga edicionet që në mënyrë absolute kënga dhe muzika kanë qenë shqip.

Teksa foli për edicionit e 61-të të Festivalit të Këngës, regjisori u shpreh se ka një lloj ndryshimi që ende nuk është përqafuar nga njerëzit.

Gjatë intervistës me gazetaren Nisida Tufa, Kapexhiu tha se me kohën do të perfeksionohen dhe do të kuptohen nga masa më e gjerë.

“Padyshim që cilido që del në skenë ka një lloj emocioni pozitiv për t’u mbush me entuziazëm. Ndihesh edhe ti mirë në atë atmosferë, aq më tepër në një festival ku konkurron muzika. Por nga njëherë, aty unë kujtova Festivalin e 11 dhe them, ndoshta mund ta teproj, por ai festival u dënua për arsye krejt të tjera, por ai është festivali që mund të them në mënyrë absolute festivali shqip. Këngët janë të gjitha me motive shqiptare dhe aty është kënduar dhe shkruar shqip. Janë këngë që edhe sot kur i dëgjon , ndjen një kënaqësi dhe kupton edhe atë çfarë thuhet. Kanë tekste shumë të bukura, muzikë origjinale dhe që mbahen mend.

Sot ka një lloj ndryshimi, një ndryshim që është vlerë e përparimit, kanë hyrë rryma që duhet të ekzistojnë. I japin variacion muzikës duke qenë edhe baraz me botën. Por sa janë të arritura? Kjo është e rëndësishmja. Ndoshta kanë hyrë në mënyrë artificiale, ndoshta akoma s’kanë hyrë brenda shpirtit tonë. Por me kohë do të perfeksionohen dhe me siguri do të arrihen që edhe nga masa e gjerë të kuptohen. Secili është tifoz siç është me një skuadër, ashtu është edhe me muzikën. Është me një rrymë të caktuar”, tha ai./ CNA.al





Lajmet e fundit nga