LEXO PA REKLAMA!

SHKARKO APP

Gropa me ujë dhe plehra/ Këlliçi publikon pamjet e rrugëve në zonën e Yzberishtit: Një katrahurë

24 Dhjetor 2022, 16:23, Aktualitet CNA
Gropa me ujë dhe plehra/ Këlliçi publikon pamjet e rrugëve
Pamje nga video e publikuar nga Belind Këlliçi

Kandidati i PD-së, për Bashkinë e Tiranës, Belind Këlliçi, ka publikuar një video ku dhe denoncon rrugët me gropa dhe plehra në një zonë në periferi të Tiranës, si Yzberishti.

Teksa tregon pamjet, Këlliçi shkruan se kjo është një katrahurë urbane. Pasoi ndonëse qytetarët prej vitesh paguajnë taksat nuk marrin të njëjtin shërbim dhe vëmendje nga Bashkia e Tiranës.

Ndër të tjera ai thotë se bashkia jep leje për të ndërtuar pallate pa u shqetësuar për mjedisin përreth.

Tirana periferike! Bashkia jep leje ndërtimi për pallate pa u shqetësuar për mjedisin rrethues. Një ndërtim rezidencial duhet të parashikojë që edhe rrethimi të jetë funksional.

Bashkia duhet të inspektojë punimet dhe nuk mund të klasifikojë si normale dhe ta lërë në këtë gjëndje një katrahurë të tillë urbane.

Këta banorë kanë mbi 7 vite që i paguajnë rregullisht taksat dhe ndërkohë nuk marrin asnjë shërbim dhe vëmendje nga Bashkia Tiranë, e cila ka grumbulluar mbi 300 milionë lekë në taksën per impakt në infrastrukturë.Nuk ndërtohet komuniteti/lagjja kështu. Ky s'është vizion për kryeqytetin”, shkruan Këlliçi./ CNA.al

Lajmet e fundit nga