web counter
LEXO PA REKLAMA!

SHKARKO APP

App Store
Google Play

E fundit!

x

Fëmijët me sindromën Down/ Troka: Prindërit të mos kenë turp, pavarësisht paragjykimeve

26 Maj 2026, 17:43, Aktualitet CNA

Merita Troka, e ëma e 25-vjeçarit Gersi Troka, ndau sot një mesazh të vyer për të gjithë prindërit, që njësoj si ajo, hasen me vështirësitë e përditshmërisë me fëmijët me sindromën Down. ( kliko për podcastin e plotë)

Siç theksoi Merita në podcast-in “Ndryshe, por bashkë” që transmetohet në CNA TV, prindërit duhet ta pranojnë këtë diagnozë, si mënyra më e mirë për t’u kujdesur për fëmijët e tyre, por edhe për arsye se kohët kanë ndryshuar dhe tanimë ofrohen një sërë trajtimesh.

Po ashtu, ajo tha se mbajtja në shtëpi e fëmijëve me sindromën Down nuk është zgjidhje, megjithëe paragjykimet me të cilat mund të përballen familjarët.

“Unë mendoj se duhet ta pranojë. Jo të mendojë se i ra qielli mbi kokë. Kanë ndryshuar kohët. Nuk janë të njëjtat si në periudhën kur kam lindur Gersin. Më pas duhet të punojë me fëmijën. Të mos ketë turp. Se kjo është shumë e rëndësishme. Ka shumë prindër, që të jemi të sinqertë, që nuk duan as ta pranojnë e as ta nxjerrin. Por i mbajnë brenda në shtëpi. Nëse nuk e bëjmë ne prindërit, edhe sikur ta paragjykojnë fillimisht. Prindi është ai që duhet t’i japë drejtim fëmijës së tij, duke anashkaluar vështrimet në rrugë. Bëra një pakt me vetën time që nuk do të lejoj që Gersi të nëpërkëmbet dhe doja që të arrinte një rezultat”,-tha Troka./CNA





Lajmet e fundit nga