Sulmet kibernetike/ Progni: Marrëveshja 45 milionë euro, FBI dhe Microsoft nuk hetuan

3 Prill 2024, 22:06, Aktualitet CNA

Sulmet kibernetike/ Progni: Marrëveshja 45 milionë euro, FBI dhe

Gent Progni

A i kanë sulmuar vërtet hakerat iranianë serverat e institucioneve të rëndësishme shqiptare?

Eksperti i IT Gent Progni thotë se në momentin që hakerat sulmojnë, ata ose publikojnë të dhënat e hakeruara, ose i përdorin për shantazh, po asnjëra nga këto nuk ka ndodhur në Shqipëri.

Sipas Prognit nuk është verifikuar asnjë fakt, pavarësisht marrëveshjes disa milionë dollarë me Microsoft dhe FBI.

“Pjesa alogjike e të gjithë këtyre sulmeve në të gjithë rruzullin tokësor që kanë ndodhur sulme kibernetike gjithmonë ka patur dy momente ose dy kundërpërgjigje të këtyre sulmuesve.

Është një moment që ata futen në sistem marrin të dhënat dhe i publikojnë të dhënat dhe një moment tjetër që ata futen në sistem marrin të dhënat dhe shantazhojnë për të marrë një shumë parash.

Unikale në botë ka ndodhur në Shqipëri ku ky grup hakerash ka marrë të dhënat, kanë patur askes në të gjithë databazet e institucioneve shqiptare dhe unikale në botë këta nuk i kanë publikuar këto të dhëna.

Nëse këta donin të destabilizonin Shqipërinë dhe të destabilizonin qeverinë mjaftonte të publikonin kadastrën dhe pronat e kryeministrit, ministrave, deputetëve dhe drejtorëve të institucioneve.

Kemi një publikim padashje të këtij grupi në Telegram të një certifikate të një personi që jeton në Tiranë të gjeneruar nga sistemi e-albania një vit pasi Microsoft FBI dhe NATO kanë marrë përsipër ruajtjen kibernetike të Shqipërisë.

Pasi ishim hakeruar, pasi bëmë kontratë 45 milionë euro nga Microsoft, publikohet një certifikate e cila shihet për 7 sekonda dhe për fatin tim të mirë e kam ruajtur si file e kam publikuar në media dhe rrjete sociale dhe aksush nuk heton për të.

Kjo certifikatë përmban një gjenerim, e cila është unikale për userin që ka gjeneruar në e-albania, për kompjuterin që e ka gjeneruar për IP që e ka gjeneruar dhe ti mund të zbulosh se kush qëndron pas këtij grupi në Telegram.

Dhe çuditërisht prova dhe fakti për të zbuluar se kush është pas këtij grupi ekziston, por qeveria nuk heton, Microsoft nuk heton FBI nuk heton, SPAK nuk heton ku kanë në dorë çelësin e kësaj situate.

Kjo nuk ndodh se iu konvenon të gjithëve që të ndodhë kjo gjë” është shprehur eksperti.

Sipas Prognit, skandali thellohet, kur mbesa e përfaqësueses së Microsoft për Ballkanin, në të njëjtën ditë të nënshkrimit të marrëveshjes, fillon punë tek Agjencia Kombëtare e Shoqërisë së Informacionit.

“E përfshirë në këtë kontratë është një person që quhet Kozeta Gerard, është drejtoreshë për Cyber Security për rajonin e Evropës lindore, e cila ka mbaruar të njëjtën shkollë në të njëjtën klasë me drejtoreshën Mirlinda Karçanaj dhe ditën që janë firmosur kontratat për mbrojtjen kibernetike mes AKSHI-t dhe Microsoft me shumën 45 milionë eruo, mbesa e saj ka filluar punë në AKSHI, si specialiste në Cyber Security.

Kjo e mbyll të gjithë qarkun që këtu është një lojë edh enjë bashkëveprim i qëllimshëm për të vjelë më shumë për të marrë tendera dhe për të vjedhur këto fonde nga partnerët tanë”, tha Progni.

Prej disa vitesh, të dhëna sensitive të shqiptarëve janë publikuar vazhdimisht, ndërsa institucione të rëndësishme janë hakeruar.

Nga qeveria është thënë se pas sulmeve kibernetike qëndron një grup hakerash iranianë, gjë që solli edhe dëbimin e ambasadës iraniane nga Tirana dhe prishjen e marrëdhënieve diplomatike.

Megjithatë, nga opozita dhe nga ekspertë të shumtë janë ngritur dyshimet, se sulmet ndodhin për të sfumuar skandalet e qeverisë dhe pas tyre nuk kanë gisht iranianët./ CNA