web counter
LEXO PA REKLAMA!

SHKARKO APP

App Store
Google Play

Komisioni Parlamentar i Dezinformimit/ Kuvendi, letër DASH-it

3 Prill 2024, 15:43, Aktualitet CNA
Komisioni Parlamentar i Dezinformimit/ Kuvendi, letër DASH-it
Kryetarja e Kuvendit, Lindita Nikolla

Kryetarja e Kuvendit, Lindita Nikolla, i është drejtuar me një letër zyrtarit të DASH-it, James Rubin, ku i kërkon ndihmë për ngritje e Komisionit Parlamentar të Dezinformimit.

Nikolla i bën me dije se Konferenca e Kryetarëve miratoi sot vendimin e Parlamentit për të ngritur një Komision të tillë dhe e ka kaluar për miratim në seancën plenare.

Kryeparlamentarja e ka ftuar zyrtarin e lartë të DASH-it që të vizitojë parlamentin e Shqipërisë dhe të japë vlerësimin dhe eksperiencën e tij.

 “I nderuar zoti Rubin.

Po ju shkruaj në lidhje me nismën e fundit të iniciuar nga një grup deputetësh për Krijimin e një Komisioni të Posaçëm për të luftuar ndikimin e huaj, duke përfshirë dezinformimin. Konferenca e Kryetarëve miratoi sot vendimin e Parlamentit për të ngritur një Komision të tillë dhe e ka kaluar për miratim në seancën plenare.

Duke qenë se Shqipërisë i mungon kuadri i duhur për të trajtuar ndikime të tilla, unë do të doja që jo vetëm t’ju bëj një ftesë për të vizituar Kuvendin e Republikës së Shqipërisë, por komisioni do të përfitonte shumë nga përvoja dhe njohuritë tuaj të vlefshme kundër këtyre forcave.

Për më tepër, dëshiroj t’ju kërkoj që t’i drejtoheni Kuvendit për rëndësinë e përpjekjeve të përbashkëta për të luftuar ndikimet e huaja malinje. Fjala juaj do të ndihmonte të rriste ndjeshmërinë dhe do të inkurajonte bashkëpunimin në këtë çështje të rëndësishme.

Faleminderit për konsideratën tuaj dhe pres me padurim përgjigjen tuaj”, shkruan Nikolla në letrën drejtuar të Dërguarit Special dhe Kordinatorit për Qendrën e Angazhimit Global të Departamentit të Shtetit./ CNA





Lajmet e fundit nga