web counter
LEXO PA REKLAMA!

SHKARKO APP

App Store
Google Play

E fundit!

x

Çështja "Balluku"/ Klodiana Lala: Ja kur mund të dalë Gjykata Kushtetuese me një vendim

22 Janar 2026, 16:14, Aktualitet CNA

Çështja "Balluku"/ Klodiana Lala: Ja kur mund të

Gazetarja Klodiana Lala ka folur lidhur me seancën e mbajtur ditën e sotme në Gjykatë Kushtetuese për shqyrtimin e ankimimit të kryeministrit Edi Rama për masat e vendosura ndaj zëvendëskryeministres Belinda Balluku.

Në një dalje televizive, Lala u shpreh se Këshilli i Ministrave pretendon se nga vendimi i Gjykatës së Posaçme i janë cenuar kompetencat, ndërsa po ashtu edhe SPAK sipas saj pretendoi se ndërhyrja politike po i cenon pavarësinë.

Gazetarja tha se për shkak të ndjeshmërisë, Gjykata Kushtetuese pritet të dalë brenda 10 ditëvë me një vendim për këtë çështje.

“Duke qenë se është hera e parë që kjo gjë ndodh. Gjykata Kushtetuese do të duhet të bëjë një interpretim të dispozitës Kushtetuese dhe të qartësojë se si duhet të veprojnë institucionet. Këshilli i Ministrave pretendonte se përmes vendimit të gjykatës po i cënohenin kompetencat, nga ana tjetër edhe SPAK-u pretendoi që ndërhyrja politike po i cenon pavarësinë që duhet të jetë i pavarur dhe të funksionoje larg ndikimeve politike.

Kjo është hera e parë që është një përplasje frontale. Bëhet fjalë për numrin 2 të qeverisë, me portofolin më të madh të parave për shkak se ministria e Infrastrukturës dhe Energjise ka buxhetin më të madh. Është një përplasje mes maxhorancës dhe SPAK. Të dyja palët po kërkojnë të shpallin forcën e tyre.

Gjykata Kushtetuese e ka mbyllur seancën plenare publike, i ka marrë të gjitha argumentet e palëve që ishin aty. Pytetjet ishin të shumta. Në këndvështrimin tim mendoj se Gjykata Kushtetuese nuk do të  marrë më shumë se 10 ditë kohë për sa kohë bëhet fjalë për një nga çështjet më sensitive deri tani”, u shpreh gazetarja Lala. /CNA





Lajmet e fundit nga