E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Pezullimi i Ballukut/ Prokurori i SPAK-ut: Masa prek vetëm individin, jo institucionin

22 Janar 2026, 13:07, Aktualitet CNA

Pezullimi i Ballukut/ Prokurori i SPAK-ut: Masa prek vetëm individin, jo

Prokurori i posaçëm, Dritan Prençi, ka paraqitur parashtrimet e SPAK-ut në seancën në Kushtetuese për pezullimin nga detyra të Belinda Ballukut. Prençi tha se në vlerësimin e SPAK-ut, kërkesa e Ramës nuk paraqet konflikt kompetencash mes pushteteve.

Duke u ndalur te masa ndaluese ndaj Ballukut, Prençi tha se kjo masë prek vetëm individin, jo funksionimin e institucionit. Më tej, prokurori tha se në vlerësimin e SPAK-ut kërkesa e kryeministrit nuk duhet të pranohet.

Prençi deklaroi se kërkuesi kërkon të barazojë funksionin e deputetit me atë të ministrit.

Sa u përket pretendimeve të Ramës se është cenuar kompetenca e kryeministrit, Prençi tha se pezullimi i një ministri nuk është në kompetencën e kryeministrit.

“SPAK-u vlerëson se kërkesa e kryeministrit nuk paraqet konflikt kompetencash mes pushteteve. Kërkuesi nuk mund të përdorë këtë justifikim për të bllokuar hetimin.

Ekziston një procedurë e plotë ankimimi. Kushtetuesja ka theksuar se shqyrtimi i hershëm do të krijonte një gjykim paralel. Shqyrtimi i masës së pezullimit në këtë fazë do të cenonte funksionimin e sistemit ligjor. Masa ndaluese prek vetëm individin dhe jo funksionimin e institucionit. Nuk shkakton pasoja për institucionet. Kërkesa e kërkuesit nuk tregon shkelje të Kushtetutës, por synon kundërshtim të vendimeve të gjykatës. SPAK-u vlerëson se kërkesa nuk duhet të pranohet dhe t’i hapë rrugë funksionimit të sistemit gjyqësor.

Kërkuesi kërkon të barazojë funksionin e deputetit me funksionin e ministrit. Funksioni i ministrit është i natyrës ekzekutive dhe administrative.

Pezullimi ekspozon funksionimin e gjykatave ndaj ndikimeve të jashtme. Pezullimi nga detyra nuk është kompetencë e kryeministrit dhe nuk mund të quhet cenim kompetence. Një kompetencë nuk ekziston”, tha Prençi.