web counter
LEXO PA REKLAMA!

SHKARKO APP

App Store
Google Play

E fundit!

x

"Balluku" në Kushtetuese/ Përfaqësuesja e Kryeministrit: Këshilli i Ministrave s'ka detyrim të presë shqyrtimin e ankimit individual

22 Janar 2026, 10:30, Aktualitet CNA

"Balluku" në Kushtetuese/ Përfaqësuesja e

Përfaqësuesja e Kryeministrit ka parashtruar qëndrimet në seancën në Gjykatën Kushtetuese për çështjen e pezullimit të Ballukut.

Në parashtrimet e bëra, përfaqësuesja e kryeministrit tha se ankimimi i bërë nuk ka të bëjë me një ankimim individual, por me marrëdhëniet mes tri pushteteve.

Në këtë ankimim të bërë, përfaqësuesja tha se Këshilli i Ministrave vjen si organi që i është pezulluar veprimtaria në njërën prej fushave, ku janë pezulluar gjithashtu dhe vendimet.

Duke u ndalur te legjitimiteti i kryeministrit në këtë ankimim, përfaqësuesja deklaroi se organi i Kryeminsitrit legjitimohet si organi që detyrohet të zëvendësojë një anëtar qeverie.

Sa i përket pretendimit që të shterohen të gjitha shkallët e Gjyqësorit, përfaqësuesja e Kryeministrit deklaroi se kjo vjen vetëm në rastet e ankimimit individual. Këshilli i Ministrave nuk ka asnjë detyrim të presë ankimin individual.

 

“Ky nuk është një ankim kushtetues individual, nuk kanë të bëjnë me të drejtat themelore të të pandehurit. Kërkimet kanë të bëjnë me marrëdhëniet midis tri pushteteve. Argumentet për këtë i përkasin themelimit të çështjes. KM vjen si organi që i është pezulluar veprimtaria në njërën prej fushave. GJKKO ka pezulluar edhe vendimet në atë fushë. Kryeministri propozon vetëm aktet që nuk i përkasin fushës së asnjë ministrie tjetër. Kryeministri legjitimohet si organi që detyrohet të zëvendësojë një anëtar të qeverisë. Nuk mund të mohohet interesi konkret kushtetues. Legjitimiteti kushtetues buron nga pasoja që sjell masa e ndalimit te Këshilli i Ministrave. Sa i përket pretendimit se duhet të shterohen të gjitha shkallët e Gjyqësorit, vlen vetëm për ankimimin individual.

Këshilli i Ministrave nuk ka asnjë detyrim për të pritur shqyrtimin e ankimit individual të të pandehurit, çdo pretendim tjetër është alogjik. Pushteti gjyqësor nuk ka të drejtë të shkaktojë pezullimin e një dege të ekzekutivit nëpërmjet një mase pezullimi.

Ndalimi për të vendosur pezullimin nga detyra e ka burimin në normat kushtetuese”, tha përfaqësuesja e Kryeministrit./CNA





Lajmet e fundit nga