E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Ankimimi i qeverisë për Ballukun/ Përfaqësuesja e Kuvendit: Vendimi "de facto" një shkarkim, është cenim i kompetencave

22 Janar 2026, 10:53, Aktualitet CNA

Ankimimi i qeverisë për Ballukun/ Përfaqësuesja e Kuvendit:

Përfaqësuesja e Kuvendit, Mimoza Arbi, ka parashtruar pretendimet e institucionit në seacën në Kushtetuese për pezullimin e Ballukut.

Në parashtrimet e Kuvendit, Arbi tha se me pezullimin e një ministri cenohet pushteti legjislativ, pasi, ndonëse nuk është i zgjedhur nga populli, ministri e merr legjitimitetin nga Kuvendi.

Më tej, përfaqësuesja e Kuvendit deklaroi se pezullimi i një anëtari të qeverisë nga gjykata përbën një rast ndikimi të pushtetit gjyqësor në atë ekzekutiv.

Përfaqësuesja e Kuvendit tha se pezullimi i një anëtari të Këshillit të Ministrave krijon bllokadë institucionale dhe shkakton një situatë të paprecedentë funksionale.

Arbi u shpreh se në vlerësimin e institucionit që ajo përfaqëson, pezullimi nga detyra është "de facto" një shkarkim. Vlerësim ky që vjen për shkak se pezullimi është pa afat, në varësi të zhvillimit të hetimeve, pezullim ky që mund të jetë i barabartë dhe me një mandate qeverisës.

Arbi deklaroi se rasti kur pezullimi është "de facto" një shkarkim përbën një cenim të kompetencave kushtetuese.

“Logjika juridike është e qartë. Deputeti është i zgjedhur i popullit, pezillimi i tij do të cenonte pushtetin legjislativ. Ndonëse ministri nuk zgjidhet direkt nga populli ai merr legjitimitet nga Kuvendi, i cili është i zgjedhur nga populli. Kanë kuptim të ngjashëm me personat e zgjedhur.

Vendimi i gjykatës për të pezulluar një anëtar shënon një seancë ku pushteti gjyqësor ndikon në pushtetin ekzekutiv.

Pezullimi i një ministri shënon një rast ku Gjyqësori ndërhyn drejtpërdrejt në funksionimin e organeve të larta shtetërore.

Pezullimi i një ministri shkakton një situatë të paprecedentë funksionale. Krijimi i një gjendjeje të ndërmjetme përbën ndërhyrje në kompetencat e Kuvendit dhe në funksionim.

Pezullimi i një anëtari të Këshillit të Ministrave krijon bllokadë institucionale.

Në vlerësimin e Kuvendit, vendimi i pezullimit është 'de facto' një shkarkim. Ky pezullim është pa afat, i kushtëzuar nga afati i hetimeve, ky mund të jetë i barabartë me një mandat qeverie. Kjo e bën 'de facto' të barabartë me një shkarkim. Kjo përbën cenim të kompetencave dhe dispozitave kushtetuese”, tha përfaqësuesja e Kuvendit./CNA