web counter
LEXO PA REKLAMA!

SHKARKO APP

App Store
Google Play

E fundit!

x

“Ecja e fundit bashke...!”/ Dedikimi prekës i Julian Dedës për të atin

25 Nëntor 2023, 21:05, Aktualitet CNA

“Ecja e fundit bashke...!”/ Dedikimi prekës i Julian Dedës

Julian Deda ka bërë një dedikim të ndjerë për të atin e tij Zef Deda, i cili ndërroi jetë një ditë më parë.

“Bab, direkt më mori malli”, kështu e nis shkrimin e tij në rrjetet sociale Juliani.

Ai falenderoi të gjithë për për çdo fjalë të mirë, çdo status në rrjete sociale, për çdo foto të shpërndarë, çdo sms të dërguar, çdo lot, çdo shtrëngim duarsh dhe çdo përqafim, duke shprehur me të gjitha mënyrat respektin për figurën e tij dhe dhimbjen për largimin nga kjo botë.

Julian Deda thotë se është nder i madh të jetë biri i Zef Dedës si dhe u shpreh se është I bindur që ai ka parë gjithë respektin që ka treguar një popull I tërë këto ditë për të.

Postimi i plotë:

Bab, direkt më mori malli.

Më mori malli për zërin tënd, për batutat e tua, për veprimet e tua, për shikimin tënd, për këshillat e tua, për energjinë tënde, për pozitivitetin tënd, për përqafimin tënd, më mori malli për ty.

Ahh, çfarë Babai, çfarë figure, çfarë talenti, çfarë personaliteti, çfarë njeriu. Nuk e kam vënë asnjëherë në dyshim madhështinë e këtij njeriu, por dje dhe sot, vërtetova se Zef Deda përfundimisht nuk ishte vetëm i familjes tonë, por ishte pjesë e cdo familje shqiptare.

Nuk gjej dot fjalët për të shprehur mirënjohjen ndaj secilit prej jush. Jam i emocionuar për respektin që ju treguat për Zefin si njeri dhe si artist. Faleminderit ju, publik i dashur, për çdo fjalë të mirë, çdo status në rrjete sociale, për çdo foto të shpërndarë, çdo sms të dërguar, çdo lot, çdo shtrëngim duarsh dhe çdo përqafim, duke shprehur me të gjitha mënyrat respektin për figurën e tij dhe dhimbjen për largimin nga kjo botë. Faleminderit të gjitha televizioneve dhe mediave, për çdo lajm dhe kronike ku vlerësohet kontributi i tij artistik dhe jo vetëm, faleminderit personaliteteve politike, sportive, fetare dhe intelektualëve të këtij vendi, që e vlerësuan Zef Dedën në gjithë dimensionin e tij, faleminderit shqiptarëvë që morën rrugën nga çdo cep i vendit dhe jashtë tij për të ardhur në Shkodër e për të na lehtesuar dhimbjen. Mirënjohje!

Babush, unë besoj se ti ke parë gjithçka që ndodhi dje dhe sot, e pae respektin e një populli të tërë për ty, jam i bindur se ishe aty, ta di tipin, nuk ikën kollaj ti, madje nuk ikën kurrë.

Ti, z. Unik, je i përjëtshëm, sepse njerëzit vdesin kur harrohen dhe ti s'ke per tu harruar ne jete te jeteve.

Zemra ime, nuk e ke idene sa te dua. Por pa merak, do flasim çdo natë, do më pyesësh për tekstin e javës dhe unë do raportoj si studenti yt i përjetshëm, pastaj do dalim dhe do ecim, krah për krah, si gjithmonë..!

Nder i madh të jem yt bir...!/ CNA





Lajmet e fundit nga