web counter
LEXO PA REKLAMA!

SHKARKO APP

App Store
Google Play

E fundit!

x

Duke nisur nga 5 Janari, emisioni “Gjurmët” në CNA TV

4 Janar 2026, 12:12, Aktualitet CNA

Duke nisur nga 5 Janari, emisioni “Gjurmët” në CNA TV

Për herë të parë në ekranin e CNA TV nis transmetimi i emisionit “Gjurmët”, një projekt televiziv i ideuar dhe realizuar nga gazetari Lorenc Shehu, i cili sjell në vëmendje histori njerëzore, trevash dhe komunitetesh që kanë lënë gjurmë në jetën shoqërore shqiptare.

Emisioni do të transmetohet çdo të hënë, duke nisur nga e hëna e 5 Janarit, në orën 20:30 në CNA TV dhe ritransmetim çdo të mërkurë në orën 23.00.

Emisioni ka karakter social, ekonomik, kulturor, turistik, fetar dhe sportiv, duke pasqyruar jo vetëm realitete nga treva të ndryshme të Shqipërisë, por edhe histori të shqiptarëve që jetojnë dhe veprojnë jashtë vendit. Që nga nisja e tij në vitin 2011, “Gjurmët” ka ndërtuar një rrugëtim të veçantë në kërkim të vlerave, kujtesës dhe identitetit.

Në episodin e parë që do të transmetohet në CNA TV në 5 Janar, gazetari Lorenc Shehu udhëton në malësinë e Tiranës, në krahinën e Zall Bastarit, e njohur dikur si Benda. I shoqëruar nga Azem Nela, banor i zonës, emisioni ndalet në vende piktoreske dhe sjell për publikun histori të shkruara dhe rrëfime të trashëguara brez pas brezi nga gojëdhënat./ CNA





Lajmet e fundit nga