web counter
LEXO PA REKLAMA!

SHKARKO APP

App Store
Google Play

Dëbora në Qarkun Shkodër/ Shembet rruga në "Shkallë Logje", vijojnë kriposja dhe kontrollet

3 Janar 2026, 10:41, Aktualitet CNA

Dëbora në Qarkun Shkodër/ Shembet rruga në

I gjithë territori i Qarkut Shkodër është përfshirë nga moti me reshje të dendura dëbore, prej së cilës janë evidentuar edhe problematika të rastit.

Mësohet se në këtë qark po vijon puna për kriposjen dhe mirëmbajtjen e akseve të caktuara për të vijuar qarkullimin.

Ndërkohë, si pasojë e reshjeve, është evidentuar shembja e rrugës në aksin Ura e Shtrejtë–Prekal, në vendin e quajtur "Shkallë Logje".

Bashkia Shkodër

Është vendosur sinjalistikë dhe aksi është bllokuar për të shmangur çdo rrezik. Po punohet për vlerësimin e dëmtimit dhe normalizimin e qarkullimit. Borepastrueset kanë qenë gjatë gjithë natës në punë për mbajtjen e hapur të aksit Qafë Thore–Theth.

Bashkia Malësi e Madhe

Në territorin e kësaj bashkie kanë pushuar reshjet. Tri borëpastruese ndodhen në aksin Tamarë-Vermosh ku ka vende me ngrica dhe po bëhet kriposja dhe mirëmbajtja për të vijuar qarkullimin.

Bashkia Vau i Dejës

Momentalisht në këtë bashki reshjet e shiut kanë pushuar. Në disa njësi ka pasur shkëputje të energjisë elektrike. Grupet e punës janë në terren.

Bashkia Fushë-Arrëz

Vijojnë reshje shiu me intensitet të lartë. Ka rënie gurësh dhe dherash në rrugët rurale, por akset janë të kalueshme dhe qarkullimi kryhet pa probleme.

Bashkia Pukë

Në territorin e Bashkisë Pukë vijojnë reshjet e shiut dhe fryn erë e fortë, momentalisht nuk raportohen problematika.

DRUK Lezhë

•Gjatë 24 orëve të fundit janë regjistruar rreth 85 mm reshje shiu.

•Nuk ka probleme në kanalet kulluese, argjinatura dhe digën e Rezervuarit të Shkodrës.

•Nivelet e lumenjve Buna, Drin, Kir, Gjadër dhe të Rezervuarit të Shkodrës janë nën kuotat e rrezikut për përmbytje.

•Hidrovoret e Velipojës (Vilun dhe Ças) janë në funksion të plotë dhe në gatishmëri për të punuar me kapacitet të plotë nëse nevojitet./CNA





Lajmet e fundit nga