web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Policia e Shtetit braktis qytetarët, radha, dhjetëra kilometra

3 Janar 2026, 17:13, Aktualitet CNA

Skandali/ Policia e Shtetit braktis qytetarët, radha, dhjetëra

Trafik i rënduar, radha dhjetëra kilometra, asnjë masë nga Policia e Shtetit dhe Policia Rrugore.

Kjo është panorama e krijuar ditët e fundit për udhëtarët që kanë vizituar juglindjen për tu kthyer më pas në kryeqytet.

Përtej çdo justifikimi nga Policia e Shtetit, sot nga verifikimet që ka bërë CNA nga Hotolishti deri afër Xibrakës nuk ka pasur asnjë polic rrugor në lëvizje. Asnjë patrullë policie.

Skandali i parë qëndron te fakti që policia nuk ka bërë një plan masash pasi “Rrugorja” e ka ditur mirë se juglindja ka patur fluks gjatë festave të fundvitit. Pasi fluksi është parë te segmenti Elbasan-Librazhd në Bradashesh.

Tani që qytetarët po kthehen përballen me një situatë akoma dhe më të rënduar. Nuk është vetëm rrethrrotullimi i Bradasheshit po i gjithë aksi nga Përrenjasi në Librazhd dhe Elbasan dhe drejt Tiranës. Policia e Shtetit specifikisht Policia Rrugore nuk kanë bërë ndonjë njoftim përkatës për të thënë në çfarë oraresh të lëvizin për të shmangur këtë kaos.

Së dyti, Policia Rrugore mungon në akse kombëtare. Qytetarët janë lënë në mëshirë të fatit. Kalon një kamion apo një maune që ecën ngadalë krijon efektin tap dhe radha bëhet me kilometra.

Nuk ka as polici rrugore as polici rendi. Ky është një skandal pa folur pastaj për planin e masave që duhet të bëjë Policia Rrugore dhe Policia e Shtetit në këto ditë festash. Ndoshta mjaftohen me njoftimet për fishekzjarret që hidhen në Tiranë dhe ja ku është situata. Mijëra qytetarë që vuajnë në rrugë me familjarë. Pse? Sepse në krye të Policisë Rrugore janë disa të paaftë që nuk dinë të bëjnë një plan masash  për festat e fundvitit.

Përgjegjësia ngelet mbi drejtuesin e rendit dhe sigurisë Dhimitër Ziu, mbi drejtorët e Policisë së qarkut të Elbasanit, shefat e komisariateve rrugore që kanë braktisur mijëra qytetarë në rrugë duke i lënë në mëshirë të fatit me fëmijë në një kohë shumë të keqe në një trafik të rënduar dhe askush nuk mban përgjegjësi./ CNA





Lajmet e fundit nga