web counter
LEXO PA REKLAMA!

SHKARKO APP

App Store
Google Play

“Dua verë”/ Hapësira e parë e degustimit të verërave në Tiranë

29 Janar 2026, 13:42, Aktualitet CNA

“Dua verë”/ Hapësira e parë e degustimit të

“Dua verë”, hapësira e parë e degustimit të verërave shqiptare hapet në Tiranë. 

Hapësira e parë për degustimin e verërave ndodhet në bulevardin “Bajram Curri”, te pallatet “Agimi”.

“Dua verë”/ Hapësira e parë e degustimit të

“Dua verë” do të jetë e hapur për klientët duke nisur nga ora 17:00 deri në orën 23:00.

Pronarët e “Dua verë”, Kejsi dhe Daniel Grabocka, vijnë me një eksperiencë 20-vjeçare në fushën e verërave, në tregun vendas dhe atë të huaj.

“Dua verë”/ Hapësira e parë e degustimit të

Grabocka shprehet se synimi është krijimi i një ambienti autentik ku dashamirësit e verës të kenë mundësinë të zbulojnë pasurinë e kantinave shqiptare.

“Dua verë”/ Hapësira e parë e degustimit të

 

“Hapësira e parë e degustimit të verërave shqiptare – një dritare për turizmin dhe produktin vendas, dëshirojmë t’ju prezantojmë një ide që përfaqëson një pasion të sinqertë dhe një vizion afatgjatë për promovimin e trashëgimisë sonë enologjike dhe gastronomike.

Pas një eksperience mbi 20-vjeçare në fushën e verërave — si në tregun vendas ashtu edhe në atë ndërkombëtar — unë dhe bashkëshorti im kemi vendosur të ndërmarrim një nismë që synon të sjellë në jetë një koncept unik në Shqipëri: një hapësirë degustimi të dedikuar verërave shqiptare dhe produkteve të degustimit 100% vendase.

Duke vërejtur mungesën e theksuar të strukturave që promovojnë në mënyrë dinjitoze verërat shqiptare, synimi ynë është të krijojmë një ambient autentik ku turistët dhe dashamirësit e verës të kenë mundësinë të zbulojnë, shijojnë dhe njohin më thellë pasurinë e kantinave shqiptare nga të gjitha trevat e vendit.

Megjithatë, qëllimi ynë shkon përtej krijimit të një hapësire degustimi. Synojmë të hapim një 'dritare të re' për turistët që vizitojnë Shqipërinë, duke e bërë këtë eksperiencë të aksesueshme dhe të dukshme në platformat kryesore online, në agjencitë turistike, si dhe në hapësira të dedikuara të promovimit të destinacioneve lokale. Në këtë mënyrë, turistët do të kenë mundësi të përfshijnë një eksperiencë autentike shqiptare në itinerarin e tyre të udhëtimit.

Një tjetër komponent i rëndësishëm i projektit është organizimi i vizitave nëpër kantinat e verës në të gjithë Shqipërinë, duke i çuar turistët dhe vizitorët aty ku lind produkti — në tokë, në vreshta, në kantina. Kjo përvojë do t’u mundësojë të huajve dhe vendasve të prekin nga afër rrënjët e traditës sonë, të njohin procesin e prodhimit dhe të kuptojnë më thellë kulturën që mbart çdo gotë verë shqiptare.

Përveç degustimit, çdo vizitor do të ketë mundësinë të blejë në vend produktet e preferuara, duke mbështetur kështu drejtpërdrejt kantinat vendase dhe zhvillimin e ekonomisë lokale.

 

'Dua Verë' është krijuar si një hapësirë ku tradita, cilësia dhe identiteti shqiptar takohen në një përvojë të kuruar me kujdes.

 

Më shumë sesa një ambient degustimi, 'Dua Verë' synon të jetë një pikë referimi për kulturën e verës shqiptare — një vend ku historia tregohet përmes shijes, dhe ku publiku njihet nga afër me potencialin dhe diversitetin e prodhimeve vendase”, shprehet Kejsi Grabocka./CNA





Lajmet e fundit nga