web counter
LEXO PA REKLAMA!

SHKARKO APP

App Store
Google Play

E fundit!

x

Dëmshpërblimi për përmbytjet/ Vengu: Pritet informacioni i plotë nga Agjencia Kombëtare e Mbrojtjes Civile

29 Janar 2026, 11:52, Aktualitet CNA

Dëmshpërblimi për përmbytjet/ Vengu: Pritet informacioni i

Ministri i Mbrojtjes, Pirro Vengu, ka dhënë një deklaratë për mediat nga Kryesia e Kuvendit. Vengu u shpreh se bashkitë e vendit duhet të kenë vëmendje të theksuar te fondet për dëmshpërblimet e personave të prekur nga fatkeqësitë natyrore.

Ministri bëri me dije më tej se fondet e Emergjencave Civile do të jenë më të mëdha për bashkitë e vogla. Lidhur me dëmshpërblimin nga përmbytjet e fundit në vend, ai tha se pritet informacioni i plotë nga Agjencia Kombëtare e Mbrojtjes Civile në mënyrë që të vijohet me ndarjen e fondit.

“Kemi në buxhet domethënës në funksion të digave, pritave lumore, kanaleve të ujërave të larta për çdo bashki. Prandaj ritheksojmë vëmendjen që bashkitë duhet të kenë në këtë proces sepse kemi financime shumë të dobishme për ta.

Ne kemi një zinxhir reagimi ndaj emergjencave që është e njëjtë me të gjitha vendet e BE-së. Zinxhiri sipas standardeve europiane parashikon përgjegjësi për reagimin imediat nga bashkia dhe më pas në nivel qarku, më pas ndërhyrje nga ministria. Fondet e Eemergjencave Civile po rriten ndjeshëm sidomos për bashkitë me më pak buxhete. Bashkitë e vogla do të marrin më shumë fonde për mjete dhe për rrogat e punonjësve. Kanalet e kullimit duhet të pastrohen vazhdimisht. Do vijojmë me ripyllëzimin për parandalimin e përmbytjeve. Do vijojmë me paketë financiare për dëmshpërblimin e përmbytjeve. Ka bashki me nivel të ndryshëm vlerësimi sa u përket dëmeve. Do vijojmë me reformën e mënyrës se si kompensohen për dëmet.

Sipas ligjit dhe standardit europian, grupet e konstatimit të dëmeve organizohen dhe drejtohen nga bashkitë dhe monitorohet procesi nga prefektura dhe nga agjencia e mbrojtjes civile që bën vlerësimin përfundimtar. 60 bashki e kanë përfunduar procesin. Agjencia Kombëtare e Mbrojtjes Civile bën gati informacionin e plotë për te Ministria e Financave dhe më pas përgatitet fondi”, tha Vengu. /CNA





Lajmet e fundit nga