web counter
LEXO PA REKLAMA!

SHKARKO APP

App Store
Google Play

E fundit!

x

Shtëpia e re e Fëmijëve dhe Kompleksi i ri i Inspektorateve/ Rama: Projektet u hapin rrugë dy drejtimeve të reja për të ardhmen

29 Janar 2026, 10:06, Aktualitet CNA

Shtëpia e re e Fëmijëve dhe Kompleksi i ri i Inspektorateve/

Kryeministri Edi Rama ishte i pranishëm në Konkursin Ndërkombëtar për “Shtëpinë e Re të Fëmijëve dhe Kompleksin e Inspektorateve Shtetërore”.

Gjatë fjalës së tij, kreu i qeverisë tha se projektet që do të prezantohen para jurisë ndërkombëtare u hapin rrugë dy drejtimeve për të ardhmen, duke krijuar kushte të reja për fëmijët jetimë dhe korpusin e ri të inspektorateve.

“Një tjetër arsye për t’u ndier mirë në fund të ditës është fakti se arritëm të vendosim një projekt tjetër në radhën e këtyre projekteve që janë tanimë në një fazë të avancuar dhe një pjesë e tyre janë gati të marrin lejen e zhvillimit dhe për të filluar nga puna. Falë këtij procesi do të kemi pas vitesh një stadium të ri të përmasave europiane. Do të kemi një tjetët vepër arkitektonike të denjë.

Do të kemi Bibliotekën e re Kombëtare. Do të kemi një kompleks të ri zyrash për administratën dhe një numër institucionesh. Do të kemi edhe Pallatin e ri të Sportit. Sot me këto projekte u hapim rrugë dy drejtimeve të reja për të ardhmen, duke krijuar kushte të reja për fëmijët që janë në duart e solidaritetit të shoqërisë, jetimët. Njëkohësisht edhe për korpusin e ri të inspektorateve. Ndërkohë që Shqipëria është pikë referimi për botën arkitekturore, Shqipëria është dhe një universitet i hapur që u jep mundësi studiove dhe arkitektëve të rinj të marrin dije dhe të përfitojnë eksperienca”, tha Rama gjatë fjalës së tij. /CNA





Lajmet e fundit nga