web counter
LEXO PA REKLAMA!

SHKARKO APP

App Store
Google Play

E fundit!

x

Dokumente/ Zbardhet e vërteta, përse nuk u lejua ndjekja penale për pronarët e ndërtimeve pa leje

30 Shtator 2022, 13:01, Aktualitet CNA

Dokumente/ Zbardhet e vërteta, përse nuk u lejua ndjekja penale

Pak ditë më parë, shefi i komisariatit numër 1 në Tiranë dhe tre oficerë të tjerë janë vënë nën hetim nga Agjencia e Mbikëqyrjes Policore në lidhje me ndërtimet pa leje që mbulon ky komisariat.

Përpos problematikave që ka policia e shtetit në luftën kundër krimit dhe korrupsionit duhet të merret edhe me ndërtimet pa leje dhe verifikimin e lejeve të ndërtimit.

Një ndër zyrtarët policorë të vënë nën hetim është Alban Ramaj, inspektori i krimeve që mbulon zonën e Farkës bashkë me tre kolegë të tjerë, si Bujar Mehmeti, shef i komisariatit; Flamur Sula, shef i postës policore në Farkë dhe Nazmi Kareci, specialist i policisë që mbikëqyr zonën ku janë konstatuar ndërtimet dhe katet pa leje.

Por, duket se situata lidhur me hetimin disiplinor ndaj punonjësve të policisë për pallatin e ndërtuar në zonën e Liqenit të Thatë nuk është siç duket.

Të dhënat flasin ndryshe, të paktën në rastin e Alban Ramajt.

Në muajin tetor 2021, Alban Ramaj është emëruar me punë specialist i hetimit të krimeve në Postën e Policisë Farkë.

Sa për rastin në fjalë nga ana e postës së policisë Farkë, shoqëria “Xheluks Konstruksion” është proceduar për veprën penale “ndërtim i paligjshëm”, konkretisht me datë 10.05.2021.

Nisur nga fluksi i madh i ndërtimeve në këtë zonë dhe pamundësisë për të kontrolluar apo verifikuar çdo ndërtim pa leje, oficeri i policisë Alban Ramaj (ndaj të cilit është filluar hetimi disiplinor) me datë 16.03.2022 i ka dërguar një e-mail Shefit te Komisariatit të Policisë numër 1, duke i vënë në dispozicion modelin e shkresës për t’ia dërguar IMT-së, Bashkia Tirane dhe IKMT-së, duke u kërkuar të verifikohen disa ndërtime nga firma te ndryshme ndërtimi, një ndër to edhe firma “Xheluks”, që ka ndërtuar pallatin dhe që pretendohet se është pa leje.

Dokumente/ Zbardhet e vërteta, përse nuk u lejua ndjekja penale

Dokumente/ Zbardhet e vërteta, përse nuk u lejua ndjekja penale

Për këto veprime është vënë në dijeni edhe DVP Tiranë.

Në përgjigje të ardhur nga ana e IMT-së dhe IKMT-së, nuk ka pasur indicie që oficeri Alban Ramaj të fillonte procedim penal ndaj asnjërës nga firmat, për të cilat ishte dërguar shkresa.

Dokumente/ Zbardhet e vërteta, përse nuk u lejua ndjekja penale

Me datë 01.05.2023 Alban Ramaj është emëruar në një detyrë tjetër dhe nuk ka pasur dijeni se çfarë ka ndodhur më pas.

Kjo është historia, për të cilën trumbetohet hetimi disiplinor për katër punonjës të policisë./CNA.al





Lajmet e fundit nga