web counter
LEXO PA REKLAMA!

SHKARKO APP

App Store
Google Play

E fundit!

x

Rama jep lajmin/ Heq fashën 800 kWh

30 Shtator 2022, 09:58, Aktualitet CNA

Rama jep lajmin/ Heq fashën 800 kWh

Kryeministri Edi Rama ka bërë me dije se fasha 800 kWh nuk do të hyjë në fuqi nga data 1 tetor, për konsumatorët familjarë për momentin.  

Sipas kryeministrit, duke qenë se ditët e fundit ka pasur përmirësim të nivelit në Fierzë, bazuar në një analizë të detajuar si dhe angazhimin e plotë për të shfrytëzuar çdo mundësi që krijohet, qeveria vendosi që aplikimi i fashës 800 kWh të mos hyjë në fuqi në muajin tetor.

“Burimet tona energjitike varen nga reshjet. Sistemi ynë energjitik me hidrocentrale plot e përplot plotëson 75% të nevojave tona për energji. Ne po ecim sipas planit për të plotësuar nevojat 100% të vendit. Por hë për hë nuk i plotësojmë dot të gjitha nevojat dhe do të vazhdojmë të dalim në tregun ndërkombëtar aty ku goditen të gjitha vendet e Europës nga çmimet e larta. Unë dhe qeveria jemi këtu për të mbrojtur çmimin dhe për të mos lënë asgjë pa bërë, që barra faktike dhe psikologjike e kësaj lufte dhe inflacionit që ka sjellë të lehtësohet sa më shumë. Jam këtu për t’ju thënë që kam një lajm pozitiv. Ditët e fundit kemi pasur përmirësim të nivelit në Fierzë dhe presim që të materializohen parashikimet për reshje të tjera. Në këto kushte, bazuar në një analizë të detajuar si dhe angazhimin e plotë për të shfrytëzuar çdo mundësi që krijohet, ne vendosëm që aplikimi i fashës 800 kWh të mos hyjë në fuqi në muajin tetor”, tha Rama në një deklaratë në rrjetet sociale./ CNA.al





Lajmet e fundit nga