web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj avokatit Mëngjesi/ Berisha: Atentat, donin ta eleminonin, goditje politike

29 Maj 2024, 20:27, Aktualitet CNA
Dhuna ndaj avokatit Mëngjesi/ Berisha: Atentat, donin ta eleminonin,
Ish-kryeministri Sali Berisha

Ish-kryeministri Sali Berisha ka folur për ngjarjen e rëndë të dhunës ndaj avokatit Sokol Mëngjesi.

Berisha, në tubimin para banesës së tij, ka deklaruar se sulmi ndaj tij ishte një atentat, se Sokol Mëngjesin donin ta eleminonin fizikishte dhe se bëhet fjalë për një goditje politike.

Akuza nuk kanë munguar edhe për qeverinë, ku Sali Berisha i drejton gishtin, kryeministrit Edi Rama dhe ministrit Taulant Balla.

“Sot, krimi i mbështetur, i mbrojtur, i fuqizuar nga qeveria e krimit goditi një prind tek dërgonte fëmijën një kopësht, goditi një akademik, profesor, goditi një qytetar me integritet, një njeri të virtytshëm, një shërbëtor të shkëlqyer të qytetarëve të vendit, goditi profesor Sokol Mëngjesin.

Sokol Mëngjesi është nga ata intelektualë që studjoi jashtë por u kthye t’i shërbente me dinjitet qytetarëve shqiptarë. Ai është personalitet, një specialist i shquar në fushën e tij. Ai është një luftëtar i të vërtetës. Ai pagoi sot betejën e tij me të vërtetën, për ligjin për të drejtën.

Sokol Mëngjesin, një grup i strukturuar kriminal e sulmoi për ta eleminuar fizikisht . Është në gjendje serioze sonte. Ai sulm u organizua nga një bandë me mbështetje që s’kishte qëllim tjetër veçse eleminimin e tij.

Menjëherë pas atentatit ndaj tij, në mediat e qeverisë, u përhapën lajmet, mashtrimet më të mëdha.

Fillimisht se ishte një zënkë e rastit. Më pas ishte një cështje prone dhe së fundi një cështje gjyqi.

Unë u them ju një gjë. Që është një goditje e mirëfilltë politike sepse Sokol Mëngjesi po të kishte qenë avokat i Ramës apo Ballukut s’do e kishte prek njeri me dorë, por Sokol Mëngjesi, u godit me inkurajimin madhor të Edi Ramës, Taulant Ballës, mbështetësve kryesorë të krimit në Shqipëri”, tha Berisha./ CNA





Lajmet e fundit nga