web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Beleri”/ Mitsotakis me “karta të hapura” me Ramën: Duhet të dijë se ka rregulla për rrugën evropiane

29 Maj 2024, 17:04, Aktualitet CNA
Çështja “Beleri”/ Mitsotakis me “karta të
Kryeministri i Greqisë Kyriakos Mitsotakis

Kryeministri i Greqisë Kyriakos Mitsotakis ka folur në emisionin grek "Morning Zone" të Tv Action 24, për takimin e kryeminstrit Edi Rama me emigrantët në Athinë disa ditë më parë.

I pyetur për deklaratat e Ramës në lidhje me atë që shqiptarëve i ju është dashur që të ndryshojnë identitetin e tyre kur kanë emigruar në Greqi, Mitsotakis pranoi se, marrëdhëniet midis dy vendeve janë komplekse dhe se duhet të pranojnë të jetojnë së bashku.

Duke përmendur çështjen  e Belerit, Mitsotakis theksoi se, mënyra se si Shqipëria e trajtoi kryetarin e zgjedhur të Bashkisë së Himarës ishte krejtësisht e papranueshme.

I pyetur nëse kjo do të ndikojë në vendimin që Greqia të bllokojë anëtarësimin e Shqipërisë në BE, Mitsotakis nënvizoi se Shqipëria duhet të dijë se ka rregulla në lidhje me rrugën e saj evropiane.

Respekti për shtetin e së drejtës, të drejtat e njeriut dhe minoritetet është një bërthamë qendrore e asaj që Mitsotakin e quan acquis evropiane, të cilën Shqipëria duhet ta respektojë.

“Marrëdhënia jonë me Shqipërinë fqinje është tashmë komplekse.  Më duhet të them se mënyra se si Shqipëria e trajtoi kryetarin e zgjedhur të Bashkisë së Himarës ishte krejtësisht e papranueshme. Ai tani është kandidati ynë për eurodeputet. Ne kemi në fletëvotime dy kandidatë nga minoriteti etnik grek i Shqipërisë.

Përtej kësaj, mund të them që ne kemi qindra mijëra shqiptarë që jetojnë dhe punojnë në vendin tonë. Fëmijët e tyre janë shtetas grekë, jemi bashkuar besoj, do të thoja në mënyrë harmonike në shoqërinë greke, shkojnë në shkollë, studiojnë.

Mendoj se çdo gjë që helmon marrëdhëniet mes dy popujve nuk është e mirë për të dy popujt tanë. Jemi fqinjë, jemi “të dënuar” të jetojmë bashkë.

Përtej kësaj, Shqipëria duhet të dijë, dhe e njëjta gjë vlen jo vetëm për Shqipërinë, por edhe për Maqedoninë e Veriut se ka rregulla në lidhje me rrugën e saj evropiane. Respekti për shtetin e së drejtës, të drejtat e njeriut dhe minoritetet është një bërthamë qendrore e asaj që ne e quajmë acquis evropiane, të cilën Shqipëria duhet ta respektojë”, është shprehur Mitsotakis.

Më tej, Mitsotakis lë në pikëpyetje faktin se nëse lirohet Beleri, mund të ndryshojnë marrëdhëniet mes dy vendeve fqinje.

“Besoj se... Le të shohim fillimisht se çfarë do të ndodhë në zgjedhjet evropiane. Ka mundësi që këtë çështje ta zgjidhin vetë qytetarët grekë me zgjedhjen që do të bëjnë për eurodeputetet në Parlamentin e ardhshëm Europian”, është shprehur Mitsotakis./ CNA





Lajmet e fundit nga